लिजंड्स प्रीमियर लीग : निलेश गवई, रिझवान अहमद सामनावीर
छत्रपती संभाजीनगर : लिजंड्स प्रीमियर लीग टी २० क्रिकेट स्पर्धेत डीएफसी श्रावणी संघाने मीनाक्षी इंडस्ट्रीज संघाचा चुरशीच्या सामन्यात १२ धावांनी विजय नोंदवला. दुसऱ्या लढतीत न्यू एरा संघाने श्लोक वॉरियर्स संघावर आठ गडी राखून मोठा विजय संपादन केला. या सामन्यांत निलेश गवई आणि रिझवान अहमद यांनी सामनावीर पुरस्कार पटकावला.
एमआयटी क्रिकेट स्टेडियमवर ही स्पर्धा होत आहे. डीएफसी श्रावणी संघाने प्रथम फलंदाजी करताना १८.४ षटकात सर्वबाद १६५ अशी आव्हानात्मक धावसंख्या उभारली. या धावसंख्येचा पाठलाग करताना मीनाक्षी इंडस्ट्रीज संघाने १८.५ षटकात सर्वबाद १५३ धावा काढल्या. डीएफसी श्रावणी संघाने १२ धावांनी सामना जिंकला.
या सामन्यात कार्तिक बाकलीवाल याने पाच उत्तुंग षटकार व सहा चौकारांसह ४२ चेंडूत ६९ धावांची धमाकेदार खेी साकारली. मनोज ताजी याने ४३ तर अशोक शिंदे याने ३४ धावा फटकावल्या. निलेश गवई याने १३ धावांत पाच विकेट घेऊन सामना गाजवला. नितीन चव्हाण याने १७ धावांत तीन तर जितेंद्र निकम याने ३९ धावांत तीन गडी बाद केले.
दुसऱ्या सामन्यात न्यू एरा संघाने श्लोक वॉरियर्स संघावर आठ विकेट राखून दणदणीत विजय संपादन केला. श्लोक वॉरियर्स संघाने २० षटकात आठ बाद १२८ असे माफक लक्ष्य उभे केले. न्यू एरा संघाने १३.४ षटकात दोन बाद १३४ धावा फटकावत आठ विकेटने सामना जिंकला.
या लढतीत रिझवान अहमद (५३), सारंग सराफ (४८) व मयूर अग्रवाल (३९) यांनी आक्रमक फलंदाजी केली. रिझवानने चार तर मयूरने तीन षटकार ठोकले. गोलंदाजीत अतिक नाईकवाडे (२-२६), ओंकार सुर्वे (२-३१) यांनी प्रत्येकी दोन गडी बाद केले.
संक्षिप्त धावफलक : १) डीएफसी श्रावणी संघ : १८.४ षटकात सर्वबाद १६५ (अशोक शिंदे ३४, पंकज ११, नितीन भुईगळ १४, अमान शेख १५, ईशांत राय १०, सिद्ध जैन २४, निकित चौधरी ३०, इतर १७, नितीन चव्हाण ३-१७, जितेंद्र निकम ३-३९, रणजित १-१८, राजू परचाके १-४७) विजयी विरुद्ध मीनाक्षी इंडस्ट्रीज : १८.५ षटकात सर्वबाद १५३ (पांडुरंग गाजे १९, कार्तिक बाकलीवाल ६९, मनोज ताजी ४३, रणजित ६, निलेश गवई ५-१३, तन्वीर राजपूत २-३९, अमान शेख १-३६, इम्रान खान १-१६). सामनावीर : निलेश गवई.
२) श्लोक वॉरियर्स : २० षटकात आठ बाद १२८ (अनंत नेरळकर ४, ज्ञानेश्वर पाटील ४, प्रवीण क्षीरसागर १८, सय्यद फरहान १३, मयूर अग्रवाल नाबाद ३९, शशांक चव्हाण ५, राहुल रगडे २३, अतिक नाईकवाडे २-२६, ओंकार सुर्वे २-३१, मोहम्मद इम्रान १-१०, गिरिजानंद १-१६, अजिंक्य पाथ्रीकर १-२८, नितीन कडवकर १-५) पराभूत विरुद्ध न्यू एरा : १३.४ षटकात दोन बाद १३४ (प्रदीप जगदाळे २७, सारंग सराफ ४८, रिझवान अहमद नाबाद ५३, वहाब १-२२, सागर दुबे १-१६). सामनावीर : रिझवान अहमद.
