छत्रपती संभाजीनगर : छत्रपती संभाजीनगर जिल्हा क्रिकेट संघटनेच्या वतीने ओपन गटातील मुलांच्या क्रिकेट संघाची निवड करण्यासाठी बुधवारी (५ फेब्रुवारी) निवड चाचणीचे आयोजन करण्यात आले आहे.
निवड चाचणी गरवारे क्रिकेट मैदानावर बुधवारी सकाळी नऊ वाजता सुरू होईल. ही निवड चाचणी गरवारे मैदानावरील विशाल गीते यांच्या संभाजीनगर इन्स्टिट्यूट ऑफ क्रिकेट, कलाग्राम शेजारी असलेल्या खेळपट्टीवर घेण्यात येणार आहे. तरी जास्तीत जास्त खेळाडूंनी निवड चाचणीसाठी उपस्थित रहावे, असे आवाहन छत्रपती संभाजीनगर जिल्हा क्रिकेट संघटनेच्या वतीने अध्यक्ष राम भोगले, उपाध्यक्ष नरेंद्र पाटील, पारस छाजेड, सचिव सचिन मुळे, सहसचिव शिरीष बोराळकर आणि कोषाध्यक्ष सुभाष पटेल यांनी केले आहे.
