श्वेता गुंजाळने पटकावले कांस्यपदक
रुद्रपूर : कोल्हापूरच्या पूजा दानोळ हिनेे ३८व्या राष्ट्रीय क्रीडा स्पर्धेत सायकलिंग क्रीडा प्रकारात पदकांची हॅटट्रिक साजरी केली. पूजाने तीन किलोमीटर अंतराच्या वैयक्तिक कौशल्य प्रकारात रौप्य पदक पटकाविले. या आधी तिने एक सुवर्णपदक व एक रौप्यपदक पटकावले होते. श्वेता गुंजाळ हिने कास्यपदक पटकावत महाराष्ट्राच्या खात्यात आणखी एका पदकाची भर घातली.
डोंगरदर्यातील रुद्रपूरमधील सायकलिंगमधील ३ किलोमीटर प्रकारात पूजा दानोळेने चार मिनिटे ०४.४९४ सेकंदात अंतर पार करीत सलग तिसर्या पदकाचा नाव कोरले. ओडिसाच्या स्वस्ति सिंग हिने हे अंतर चार मिनिटे ०३.२५५ सेकंदात पार करीत सुवर्णपदक जिंकले. पूजा हिने याआधी वैयक्तिक टाईम ट्रायल या क्रीडा प्रकारात सुवर्णपदक तर ६० किलोमीटर अंतराच्या शर्यतीत रौप्य पदक जिंकले होते.
महिलांच्या पाचशे मीटर्स वैयक्तिक कौशल्य क्रीडा प्रकारात श्वेता गुंजाळ हिला कांस्यपदक मिळाले. त्यावेळी तिने हे अंतर ३८.०८५ सेकंदात पार केले. अंदमान व निकोबारची खेळाडू सेलेस्टीना (३७.०१८ सेकंद) व तामिळनाडूची जे श्रीमती (३८.०७०) सेकंद यांनी अनुक्रमे सुवर्ण व रौप्य पदक जिंकले.
