सोलापूर : सन २०२३-२४ या वर्षात राज्य स्तरावर राज्य युवा पुरस्कार क्रीडा विभागांच्या क्षेत्रिय विभागस्तरनुसार प्रत्येक विभागातील १ युवक, १ युवती व नोंदणीकृत संस्था यांना देण्यात येणार आहेत. या पुरस्काराचे स्वरुप युवक-युवती यांना रोख ५० हजार तर संस्थेस रुपये १ लाख रुपये तसेच गौरवपत्र, सन्मानचिन्ह असे राहणार आहे.
राज्य युवा पुरस्कारासाठी युवक अथवा युवा विकासाचे कार्य करणा-या संस्था यांची गत तीन वर्षामध्ये केलेल्या कामगिरीचे मूल्यांकन विचारात घेण्यात येणार असून राज्य युवा पुरस्कारासाठी अर्ज १५ फेब्रुवारीपर्यंत जिल्हा क्रीडा अधिकारी कार्यालयात सादर करणे आवश्यक आहे. अर्जाचा नमुना जिल्हा क्रीडा अधिकारी कार्यालय किंवा https://sports.maharashtra.gov.in या संकेतस्थळावर उपलब्ध करुन देण्यात आले आहे. राज्यातील जास्तीत जास्त युवा विकासाचे कार्य करणा-या संस्था यांनी पुरस्कारासाठी अर्ज सादर करण्याचे आवाहन क्रीडा व युवक सेवा संचालनालयाचे आयुक्त यांनी केले आहे.
