पुणे : बहुजन समाज पार्टीच्या वतीने उत्तर प्रदेशच्या माजी मुख्यमंत्री मायावती यांच्या वाढदिवसानिमित्त पुणे शहर बॉक्सिंग संघटनेच्या मान्यतेने महात्मा ज्योतिबा फुले प्राथमिक शाळा, ढोले पाटील रोड येथे भव्य बॉक्सिंग स्पर्धेचे आयोजन करण्यात आले होते.
स्टार बॉक्सिंग अकॅडमी खडकीच्या जान्हवी सांगळेने पिंपरी चिंचवडच्या संजना यादवला अतिशय चुरशीच्या लढतीत पराभूत करून स्पर्धेतील ‘बेस्ट बॉक्सर’ हा बहुमान पटकावला. क्रांतिवीर लहुजी वस्ताद साळवे प्रतिष्ठानच्या शौर्य द्विवेदी याने ‘मोस्ट प्रॉमिसिंग बॉक्सर’ व बीव्हीजीपीच्या श्रेयस सावंत याने ‘बेस्ट चॅलेंजिंग बॉक्सर’ हा बहुमान मिळविला.
ज्येष्ठ बॉक्सिंग प्रशिक्षक सिलोन अँड्र्यूज यांना पुणे शहर बॉक्सिंग संघटनेचे अध्यक्ष अविनाश बागवे व पुणे जिल्हा बॉक्सिंग संघटनेचे उपाध्यक्ष कुणाल राजगुरू यांच्या हस्ते गौरविण्यात आले. या प्रसंगी पुणे जिल्हा बॉक्सिंग संघटनेचे कार्याध्यक्ष भरतकुमार व्हावळ, पुणे शहर बॉक्सिंग संघटनेचे कार्याध्यक्ष मदन वाणी, पुणे जिल्हा बॉक्सिंग संघटनेच्या महासचिव अभिमन्यू सुर्यवंशी, पुणे शहर बॉक्सिंग संघटनेचे सचिव विजय गुजर आदी मान्यवर उपस्थित होते.
स्पर्धेचे उद्घाटन ज्येष्ठ समाजसेवक वसंत साळवे, शिवछत्रपती पुरस्कार प्राप्त गिरीश पवार, विजय यादव, सुजित यादव यांच्या हस्ते करण्यात आले. या प्रसंगी आंतरराष्ट्रीय बॉक्सर कॅप्टन तुक बहादुर थापा, महाराष्ट्र पोलिस संघाचे प्रशिक्षक राकेश यादव, राम जगताप, निलेश आल्हाट, राहुल तायडे, सतीश मापारे, मनोज यादव, ज्ञानेश्वर कोठावळे, सोहम परदेशी, श्याम गायकवाड, मयूर गायकवाड, बंडू गायकवाड, राजू आल्हाट, प्रीतमराजे भोसले, गौतम सवाने आदी मान्यवर उपस्थित होते.
स्पर्धेचा पारितोषिक वितरण समारंभ महेश जगताप यांच्या हस्ते करण्यात आला. या प्रसंगी स्पर्धेचे मुख्य संयोजक प्रदीप ओव्हाळ, दत्ता गायकवाड, प्रेम जोगदंड, पुणे शहर बॉक्सिंग संघटनेचे उपाध्यक्ष सुरेश गायकवाड, अशोक मेमजादे, जीवनलाल निंदाने, पुणे जिल्हा बॉक्सिंग संघटनेचे खजिनदार सूर्यकांत दुधभाते, सहसचिव निलेश खुडे, मनोज यादव, संतोष यादव, संदीप धंदर, दिलीप मोरे आदी मान्यवर उपस्थित होते.
पुणे जिल्हा बॉक्सिंग संघटनेचे महासचिव व राष्ट्रीय पंच अभिमन्यू सूर्यवंशी यांनी स्पर्धेचे सूत्रसंचालन केले. पुणे शहर बॉक्सिंग संघटनेचे खजिनदार अमोल सोनवणे यांनी आभार मानले. पुणे जिल्हा, पुणे शहर, व पिंपरी चिंचवड येथील १७५ बॉक्सिंग खेळाडूंनी या स्पर्धेमध्ये सहभाग नोंदविला होता.
