जालना : जालना शहरातील वेगवान गोलंदाज श्रेयश बटुले याची महाराष्ट्राच्या १४ वर्षांखालील मुलांच्या क्रिकेट संघात निवड करण्यात आली आहे.
जिल्हा क्रिकेट असोसिएशन जालना तसेच साई काणे क्रिकेट अकॅडमीचा क्रिकेटपटू व वेगवान गोलंदाज श्रेयस बटुले याची महाराष्ट्र क्रिकेट संघटनेच्या १४ वर्षांखालील महाराष्ट्र क्रिकेट संघात समावेश करण्यात आला आहे.
जिल्हा क्रिकेट असोशिएशन जालना संघाकडून खेळत असताना ऋषिकेश काणे यांच्या मार्गदर्शनाखाली श्रेयस बटूले याने भन्नाट गोलंदाजी करून सर्वांचे लक्ष वेधून घेतले होते. वेगवान गोलंदाजीतील कामगिरीच्या जोरावर महाराष्ट्राच्या क्रिकेट संघात त्याने स्थान मिळवले आहे.
या निवडीबद्दल महाराष्ट्र क्रिकेट असोसिएशनचे अध्यक्ष आमदार रोहित पवार, अपेक्स परिषदेचे चेअरमन सचिन मुळे, महाराष्ट्र क्रिकेट संघटनेचे सहसचिव संतोष बोबडे, अपेक्स कौन्सिल मेंबर व टूर्नामेंट कमिटीचे चेअरमन राजू काणे, जालना जिल्हा क्रिकेट असोसिएशनचे अध्यक्ष नरेंद्र देशपांडे, उपाध्यक्ष दिलीप शाह, रमेश मगरे, जॉइंट सेक्रेटरी अभिजीत चव्हाण, संतोष भारोटे, रमेश मांटे व साई काणे क्रिकेट अकॅडमीचे सर्व खेळाडू यांनी श्रेयस याचे अभिनंदन करून त्यास पुढील वाटचालीसाठी शुभेच्छा दिल्या आहेत.
