नाशिक : उत्तराखंड येथे आयोजित राष्ट्रीय क्रीडा स्पर्धेसाठी मल्लखांब प्रशिक्षक म्हणून नाशिकच्या साक्षी गर्गे यांची निवड करण्यात आली आहे.
या स्पर्धेत मल्लखांब स्पर्धा ११ ते १३ फेब्रुवारी दरम्यान होणार आहे. त्यासाठी डेरवण (चिपळूण) येथील स्पोर्ट्स अकॅडमी मध्ये महाराष्ट्र संघाचे शिबीर संपन्न झाले. या संघाचे प्रशिक्षक म्हणून नाशिकच्या यशवंत व्यायाम शाळेची खेळाडू साक्षी गर्गे हिची नियुक्ती करण्यात आली आहे. साक्षी ही स्वतः मल्लखांबाची राष्ट्रीय खेळाडू असून तीने राष्ट्रीय स्पर्धेमध्ये अनेक पदके प्राप्त केलेली आहे. सध्या ती प्रशिक्षक म्हणून यशवंत व्यायाम शाळा येथे कार्यरत आहेत.
यशवंत व्यायाम शाळा आणि नाशिक जिल्हा मल्लखांब असोसिएशनचे अध्यक्ष दीपक पाटील, प्रशिक्षक यशवंत जाधव, आनंद खरे आणि सर्व पदाधिकारी यांनी साक्षीचे अभिनंदन करून शुभेच्छा दिल्या.
