छत्रपती संभाजीनगर : छत्रपती संभाजीनगर जिल्हा कबड्डी संघटनेच्या मान्यतेने चितेगाव येथे छत्रपती संभाजीनगर जिल्हास्तरीय किशोर गट जिल्हा अजिंक्यपद व निवड चाचणी कबड्डी स्पर्धेचे आयोजन १२ फेब्रुवारी रोजी करण्यात आले आहे.
बुधवारी सकाळी १० वाजता निवड चाचणी व जिल्हा अजिंक्यपद कबड्डी स्पर्धेला सुरुवात होईल. या निवड चाचणी स्पर्धेतून निवडण्यात येणारा कबड्डी संघ मनमाड येथे २३ ते २७ फेब्रुवारी या कालावधीत होणाऱ्या राज्य कबड्डी स्पर्धेत सहभागी होणार आहे.
या निवड चाचणीसाठी जिल्ह्यातील क्रीडा मंडळांचे संघ, विद्यालयाचे संघ सहभागी होऊ शकतात. वैयक्तिक येणाऱ्या खेळाडूंचा विचार केला जाणार नाही. निवड चाचणीसाठी येणाऱ्या खेळाडूंची जन्म दिनांक १ एप्रिल २००९ किंवा त्यानंतरची असावी. तसेच महिला व किशोर गट मुलींची निवड चाचणी कबड्डी स्पर्धा १३ फेब्रुवारी रोजी संस्कृती ग्लोबल स्कूल, इंद्रप्रस्थ लॉनच्या पाठीमागे जळगाव रोड हर्सूल सावंगी येथे होणार आहे.
खेळाडूंसाठी जन्मतारखेचा पुरावा म्हणून इयत्ता पहिलीचा प्रवेश जनरल रजिस्टरची साक्षांकित प्रत, इयत्ता पहिलीचा निर्गम किंवा वयाच्या पाच वर्षापर्यंतचा कोणत्याही शासकीय अधिकाऱ्याने दिलेला जन्म दाखला आवश्यक राहील. तसेच आधार कार्ड अनिवार्य राहील. या निवड चाचणीसाठी जिल्ह्यातील जास्तीत जास्त खेळाडूंनी सहभाग नोंदवावा, असे आवाहन जिल्हा कबड्डी असोसिएशनचे अध्यक्ष अजय पाथ्रीकर, जिल्हा संघटनेचे सचिव डॉ माणिक राठोड यांनी केले आहे.
खेळाडूंनी आवश्यक कागदपत्रांची पूर्तता करूनच निवड चाचणीसाठी उपस्थित राहावे असे आवाहन जिल्हा कबड्डी असोसिएशनच्या वतीने करण्यात येत आहे. अधिक माहितीसाठी वैभव गोरे (9021243840), विजय वानखेडे, विठ्ठल शेळके, दत्ता टेके, मोहम्मद चाऊस, विकास चव्हाण, भाऊसाहेब वेरूळे, अमोल काळे, सुनील गोरे, दिगंबर भोसले, बाबासाहेब माने, ज्ञानेश्वर सावंत, योगेश गांगर्डे, खंडू चव्हाण, जीवन राठोड, कृष्णा पांढरे, सनी पवार, बळीराम राठोड,करण लघाणे, बळवंत मानकापे पाटील, मधुकर बोरसे, शशिकला नीलवंत, स्नेहलता हिवर्डे, किशोरी हिवर्डे, सोनी खरात, सुरज आहेर, गायकवाड, राऊत, केतन गायकवाड, गणपत पवार, लक्ष्मण जाधव यांच्याशी संपर्क साधावा.
