परभणी : मनमाड येथे सुरू असलेल्या राज्य किशोर गट कबड्डी स्पर्धेसाठी परभणी जिल्ह्याचा संघ सहभागी झालेला आहे. या स्पर्धेत ज्ञानदीप घांडगे हे संघाचे नेतृत्व करत आहे.
महाराष्ट्र कबड्डी असोसिएशन व नाशिक जिल्हा कबड्डी असोसिएशन यांच्या संयुक्त विद्यमाने मनमाड येथे किशोर गट राज्यस्तरीय स्पर्धेचे आयोजन करण्यात आले आहे. या स्पर्धेमध्ये परभणी जिल्ह्याचा संघ सहभागी झाला आहे. या स्पर्धेत परभणी संघाचा साखळी सामन्यात सातारा, नाशिक, छत्रपती संभाजीनगर या संघांशी होणार आहे.
परभणी संघात ज्ञानदीप घांडगे (कर्णधार), सोमेश्वर खोसे, हनुमान जाधव, सुनील कांबळे, आर्यन पवार, विकास राठोड, किशोर जगताप, नितीन राठोड, राहुल चव्हाण, पार्थ गिरी, बालाजी राठोड, संदेश सातपुते या खेळाडूंचा समावेश आहे. संघ व्यवस्थापक म्हणून रत्नेश घांडगे आणि प्रशिक्षक म्हणून राहुल घांडगे यांची नियुक्ती करण्यात आली आहे.
या स्पर्धेसाठी खेळाडूंचे परभणी जिल्हा कबड्डी संघटनेचे अध्यक्ष आमदार सुरेशराव वरपुडकर, महाराष्ट्र राज्य कबड्डी कोषाध्यक्ष मंगल पांडे, पी आर जाधव, भारत धनले, माधव शिंदे, प्रकाश हारगांवकर, नूतन शिक्षण संस्थेचे सहसचिव जयप्रकाशजी बिहाणी, कार्यकारणी सदस्य प्रा शरद कुलकर्णी, मुख्याध्यापक संतोष पाटील, के के देशपांडे, गणेश माळवे, प्रशांत नाईक यांनी अभिनंदन केले आहे.
