लखनौ : बेथ मुनीच्या (नाबाद ९६) धमाकेदार फलंदाजीच्या बळावर गुजरात जायंट्स संघाने यूपी वॉरियर्स संघावर ८१ धावांनी विजय मिळवला.
महिला प्रीमियर लीगच्या १५ व्या सामन्यात गुजरात जायंट्सची सलामीवीर बेथ मुनीने यूपी वॉरियर्सविरुद्ध ९६ धावांची शानदार खेळी केली. तिचे शतक हुकले असले तरी तिने तिच्या खेळीने सर्व प्रेक्षकांची मने जिंकली. तिच्याशिवाय हरलीन देओलने ४५ धावांची महत्त्वाची खेळी केली.
प्रथम फलंदाजी करणाऱ्या गुजरात जायंट्सची सुरुवात चांगली झाली नाही. दयालन हेमलता चिनेल हेन्रीच्या गोलंदाजीवर २ धावांवर बाद झाली. त्यानंतर बेथ मुनीने हरलीन देओलसोबत १०१ धावांची शतकी भागीदारी केली. हरलीन देओलने ३२ चेंडूत ४५ धावांची खेळी केली. त्यात तिने ६ चौकार मारले. कॅप्टन अ‍ॅश गार्डनर ११ धावांवर बाद झाली. डिआंड्रा डॉटिन १७ धावांवर सोफी एक्लेस्टोनकडे बाद झाली. एका टोकाकडून विकेट पडत राहिल्या पण सलामीवीर बेथ मुनीची बॅट दुसऱ्या टोकाकडून जात राहिली.
बेथ मुनीचे शतक हुकले
बेथ मुनीने ९६ धावांची शानदार खेळी केली. पण तिला तिचे शतक पूर्ण करता आले नाही. त्याने ५९ चेंडूत नाबाद ९६ धावा केल्या. या डावात त्याने १७ चौकार मारले. तथापि, बेथ मुनीने सर्व चाहत्यांची मने जिंकली, खरं तर तिने १९ व्या षटकाच्या चौथ्या चेंडूवर एक धाव घेतली. त्यानंतर तिने ९६ धावा केल्या, त्यानंतर तिला स्ट्राईक मिळाली नाही. तिने शतकाची पर्वा केली नाही आणि एक धाव घेतली. यासाठी मुनी कौतुकास पात्र आहे. त्याआधी, तिने महिला प्रीमियर लीगमध्ये तिचे दुसरे अर्धशतक झळकावले.
यूपी वॉरियर्स संघाकडून पाचही गोलंदाजांनी त्यांचे स्पेल पूर्ण केले. चिनेल हेन्री, कर्णधार दीप्ती शर्मा आणि क्रांती गौड यांनी प्रत्येकी १ विकेट घेतली. सोफी एक्लेस्टोनने हरलीन देओल आणि डिएंड्रा डॉटिनच्या रूपात २ विकेट्स घेतल्या. त्याने ४ षटकांत ३४ धावा दिल्या.
फलंदाजी गडगडली
यूपी वॉरियर्स संघाच्या डावाची सुरुवात खराब झाली. पहिल्याच षटकात किरण नवगिरे (०), जॉर्जिया व्होल (०) यांना डिएंड्रा हिने बाद करुन मोठा धक्का दिला. या धक्क्यातून यूपी संघ अखेरपर्यंत सावरू शकला नाही. वृदा दिनेश (१), दीप्ती शर्मा (६), श्वेता सेहरावत (५) हे ठराविक अंतराने बाद झाले. चिनेल हेन्री (२८) व ग्रेस हॅरिस (२५) यांनी थोडा प्रतिकार केला. सोफी एक्लेस्टोनने १४ धावा काढल्या. चार फलंदाजांना तर धावांचे खातेही उघडता आले नाही. यूपी संघाचा डाव १७.१ षटकात अवघ्या १०५ धावांत गडगडला. त्यांना तब्बल ८१ धावांनी पराभव स्वीकारावा लागला.
काशवी गौतम (३-११), तनुजा कंवर (३-१७), डिआंड्रा डॉटिन (२-१४), मेघना सिंग (१-२८), अॅशले गार्डनर (१-९) यांनी प्रभावी कामगिरी करत संघाला मोठा विजय मिळवून दिला. या विजयाने गुजरात संघाने सहा गुणांसह थेट दुसऱ्या स्थानावर झेप घेतली आहे.
