छत्रपती संभाजीनगर ः विस्डम इंग्लिश स्कूलमध्ये छत्रपती शिवाजी महाराज जयंती सोहळा उत्साहात साजरा करण्यात आला.
या प्रसंगी शिवाजी महाराज यांच्या पुतळ्याचे पूजन शाळेचे मुख्याध्यापक मिर्झा अकबर बेग, शाळेचे डायरेक्टर अजगर बेग, संस्थेच्या संचालिका इश्रत बेग यांच्या प्रमुख उपस्थितीत करण्यात आले. शाळेतील विद्यार्थ्यांनी छत्रपती शिवाजी महाराज, राजमाता जिजाऊ, सईबाई यांची वेषभूषा परिधान करुन सर्वांचे लक्ष वेधून घेतले होते. छत्रपती शिवाजी महाराज यांनी केलेला संघर्ष यावर विद्यार्थ्यांनी मनोगत व्यक्त केले. यावेळी पोवाडे देखील सादर करण्यात आले.
छत्रपती शिवाजी महाराज यांच्या जयंती निमित्त विद्यार्थ्यांनी काढलेली शिवाजी महाराजांच्या भव्य रांगोळीतून संदेश दर्शवण्यात आले. विद्यार्थ्यांचे मनोबल व आत्मविश्वास वाढावा या उद्देशाने छत्रपती शिवाजी महाराज यांच्या जयंतीचे आयोजन करण्यात आले होते. या उपक्रमास स्थानिक नागरिकांचा उत्स्फूर्त प्रतिसाद लाभला असून शाळेचे मुख्याध्यापक मिर्झा अकबर बेग, डायरेक्टर अजगर बेग व ईश्रत बेग यांच्या मार्गदर्शनाखाली याचे आयोजन करण्यात आले होते.
या कार्यक्रमाच्या यशस्वीतेसाठी शाळेच्या चेतना पटेल, पूनम पाटील, अश्विनी उगले, वंदना चावरे, निशिगंधा तायडे, स्नेहल पाटील, ज्योती कापसे, शुभांगी बावीस्कर, कविता काटापले, आरती डहाळे, शीतल खैरनार, कावेरी खेडकर, ज्योती गायके, गायत्री पवार, सारिका पवार, पूजा कवडे, मयुरी वानखडे, बालिका कांबळे, मीनाक्षी परदेशी व शाळेचे क्रीडा विभाग प्रमुख प्रा. कैलास जाधव व श्याम जाधव, शिक्षक व शिक्षकेतर कर्मचारी यांनी परिश्रम घेतले.
