आयुषी ठाकरे, सई भोयर, सायली शिंदेची चमकदार कामगिरी
नागपूर ः बीसीसीआयतर्फे आयोजित करण्यात आलेल्या अंडर २३ महिला एकदिवसीय करंडक क्रिकेट स्पर्धेत विदर्भ महिला संघाने तामिळनाडू महिला संघाचा ५२ धावांनी पराभव केला. या स्पर्धेतील विदर्भ महिला संघाचा हा सलग दुसरा विजय आहे.
विदर्भ महिला संघाने आतापर्यंत दोन सामन्यांत विजय नोंदवत आठ गुणांची कमाई केली आहे. सध्या विदर्भ महिला संघ एफ गटात गुणतालिकेत अव्वल स्थानावर आहे.
विदर्भ संघाची कर्णधार जान्हवी रंगनाथन हिने नाणेफेक जिंकून प्रथम फलंदाजी करण्याचा निर्णय घेतला. त्यानंतर सलामीवीर सायली शिंदे (३४) आणि रिद्धी नाईक (२६) यांनी संघाला सुरेख सुरुवात करुन दिली. या सलामी जोडीने ९२ चेंडूत ६३ धावा जोडल्या. दोन्ही सलामीवीर लागोपाठ बाद झाल्यानंतर आयुषी ठाकरे आणि प्रेरणा रणदिवे यांच्यावर डावाला गती देण्याची जबाबदारी आली. त्यांनी तिसऱ्या विकेटसाठी ७२ चेंडूत ५५ धावा जोडल्या. आयुषीने ९८ चेंडूत १० चौकारांसह सर्वाधिक ८० धावा केल्या आणि त्यानंतर साई भोयरसह चौथ्या विकेटसाठी ८१ चेंडूत ६६ धावा जोडल्या. सई भोयर (नाबाद ४७) आणि मानसी पांडे (नाबाद २८) यांनी शेवटची भरभराट केली. त्यांनी फक्त ३० चेंडूत ४७ धावा जोडल्या आणि विदर्भाचा ४ बाद २४८ धावा झाल्या.
तमिळनाडू संघानेही त्यांच्या सलामीवीर सुशांतिका (३४) आणि रिनाज (२७) यांनी ५६ धावा करून चांगली सुरुवात केली. अनुराकिनी (२९) यांनी संघाची सुरुवात चांगली केली, तरीही नियमित अंतराने विकेट्स पडल्याने तामिळनाडूच्या डावाची गती कमी झाली. चार धावबाद झाल्याने त्यांना ४२ षटकांत १९६ धावांवर बाद व्हावे लागले. आता विदर्भ महिला संघाचा पुढील सामना रविवारी मुंबई महिला संघाविरुद्ध होणार आहे.
संक्षिप्त धावफलक ः विदर्भ महिला संघ ः ५० षटकांत चार बाद २४८ (सायली शिंदे ३४, रिद्धी नाईक २६, आयुषी ठाकरे ८०, प्रेरणा रणदिवे २५, सई भोयर नाबाद ४७, मानसी पांडे नाबाद २८) विजयी विरुद्ध तामिळनाडू महिला संघ ः ४२ षटकांत सर्वबाद १९६ (शुशांतिका ३४, रिनाझ २७, अनुराकिनी २९, सुबहारिणी २७, ऐश्वर्या २६, रिद्धी २-२३).
