दुबई ः चॅम्पियन्स ट्रॉफीच्या अंतिम सामन्यात न्यूझीलंडच्या मिचेल सँटनर आणि मायकेल ब्रेसवेलचा सामना करण्यापूर्वी भारतीय फलंदाजांनी डावखुरा आणि ऑफ स्पिन गोलंदाजांविरुद्ध कसून सराव केला. वरुण चक्रवर्ती, कुलदीप यादव, अक्षर पटेल आणि रवींद्र जडेजा या फिरकीपटूंचा सामना केल्यानंतर अव्वल आणि मधल्या फळीतील फलंदाजांनी स्थानिक फिरकीपटूंचा सामना केला.
गेल्या सामन्यात न्यूझीलंडचा कर्णधार सँटनरने (१०-१-४१-१) कसून गोलंदाजी केली पण ब्रेसवेल (९-०-५६-०) थोडा महागडा ठरला. या दोघांनी मिळून आतापर्यंत चार सामन्यांमध्ये १३ विकेट्स घेतल्या आहेत. रचिन रवींद्र (६-०-३१-१) यानेही डावखुरी फिरकी गोलंदाजी केली.
दुबई आंतरराष्ट्रीय क्रिकेट स्टेडियम मधील खेळपट्टी फिरकी गोलंदाजांना काही प्रमाणात मदत करेल अशी अपेक्षा आहे, त्यामुळे भारतीय फलंदाज कोणतीही कसर सोडू इच्छित नाहीत. भारताचे फलंदाजी प्रशिक्षक सीतांशू कोटक म्हणाले की, येथील खेळपट्टी मंद गोलंदाजांना अनुकूल राहण्याची शक्यता आहे.
कोटक म्हणाले की, विकेट्स नक्कीच थोडे बदलतात, पण इथे त्याच्या ट्रेंडमध्ये फारसा बदल झालेला नाही. आमची फलंदाजी खरोखरच चांगली झाली आहे. भारतीय फलंदाज कोणत्याही दिवशी कोणत्याही खेळपट्टीशी जुळवून घेऊ शकतात. आमचे फलंदाज कोणत्याही पृष्ठभागावर स्वतःला जुळवून घेऊ शकतात. तर ही मुख्य गोष्ट आहे. मला वाटतं आपण विकेटनुसार स्वतःला जुळवून घेऊ शकतो.
