नांदेड : हौशी बेसबॉल असोसिएशन नांदेडच्या वतीने लिटल लीग बेसबॉल राज्यस्तरीय स्पर्धेसाठी नांदेड जिल्ह्याचा संघ निवण्यासाठी निवड चाचणीचे आयोजन करण्यात आले आहे.
१३ वर्षांखालील मुले व मुलींचा संघ या निवड चाचणीतून निवडण्यात येणार आहे. या निवड चाचणी स्पर्धेसाठी खेळाडूंनी सोबत येताना वयाचा पुरावा आधार कार्ड, दोन फोटो व आवश्यक साहित्य सोबत आणावे. खेळाडूंनी मैदानावर आनंदा कांबळे व बालाजी गाडेकर यांच्याशी संपर्क साधावा यामधून निवडलेला नांदेडचा संघ १५ ते १७ मार्च २०२५ या कालावधीत महात्मा गांधी विद्यालय दहिवडी, सातारा जिल्हा येथे होणाऱ्या सातव्या राज्यस्तरीय लिटल लीग बेसबॉल क्रीडा स्पर्धेत सहभागी होईल. या निवड चाचणीसाठी जास्तीत जास्त खेळाडूंनी सहभाग नोंदवावा असे आवाहन हौशी बेसबॉल असोसिएशन नांदेडचे जिल्हा अध्यक्ष प्रशांत तिकडे पाटील, उपाध्यक्ष नारसिंग आठवले, हौशी बेसबॉल असोसिएशन नांदेडचे सचिव आनंदा कांबळे, भोकर येथील मुख्य क्रीडा प्रशिक्षक बालाजी गाडेकर यांनी केले आहे. अधिक माहितीसाठी आनंदा कांबळे (7447677632, 8329157440), बालाजी गाडेकर (9921855097) यांच्याशी संपर्क साधावा.
