छत्रपती संभाजीनगर ः गुवाहाटी (आसाम) येथे १८ ते २४ मार्च या कालावधीत आयोजित करण्यात आलेल्या पहिल्या २३ वर्षांखालील राष्ट्रीय बास्केटबॉल स्पर्धेसाठी श्री अमोलक जैन विद्या प्रसारक मंडळाच्या गांधी महाविद्यालयाचे राष्ट्रीय क्रीडा मार्गदर्शक प्राध्यापक डॉ सय्यद जमीर शब्बीर यांची महाराष्ट्र बास्केटबॉल संघाच्या मुख्य प्रशिक्षकपदी निवड करण्यात आली आहे. भारतीय बास्केटबॉल संघटनेचे सचिव कुलविंदर सिंग व अध्यक्ष अधव अर्जुना यांनी त्यांना नियुक्तीचे पत्र दिले आहे.
या निवडीबद्दल श्री अमोलक जैन विद्या प्रसारक मंडळाचे अध्यक्ष योगेश भंडारी, ट्रस्ट अध्यक्ष श्री गोकुळ मेहेर, कार्याध्यक्ष कांतीलाल चानोदिया, उपाध्यक्ष बिपिन भंडारी, उपाध्यक्ष अनिल झाडमुथा, सचिव हेमंत पोखरणा, कोषाध्यक्ष डॉ उमेश गांधी, मानद मंत्री डॉ महेंद्र पटवा, संचालक योगेश चानोदिया, संजय मेहेर, गांधी महाविद्यालयाचे प्राचार्य डॉ जे एम भंडारी, प्रशासकीय अधिकारी नवनाथ पडोळे, बास्केटबॉल संघटनेचे अध्यक्ष शिवराज पाटील, सहकारी, क्रीडाप्रेमी व खेळाडूंनी अभिनंदन करून शुभेच्छा दिल्या.
