छत्रपती संभाजीनगर ः छत्रपती संभाजीनगर शहरातील बजाजनगर ज्युदो क्लबची आंतरराष्ट्रीय ज्युदो खेळाडू श्रद्धा कडूबाळ चोपडे हिची भारतीय ज्युदो संघात निवड करण्यात आली आहे.
अमृतसर येथे नुकत्याच झालेल्या वर्ल्ड युनिव्हर्सिटी गेम्स २०२५ नॅशनल ट्रायल ज्युदो स्पर्धेत महाराष्ट्र छत्रपती संभाजीनगर जिल्हा ज्युदो संघटनेच्या वाळूज एमआयडीसी बजाजनगर ज्युदो क्लबची खेळाडू श्रद्धा चोपडे हिची भारतीय ज्युदो संघात समावेश करण्यात आला. श्रद्धा चोपडे ही सध्या भोपाळ साई येथे अर्जुन पुरस्कार प्राप्त यशपाल सोळंकी यांच्या मार्गदर्शनाखाली सराव करत आहे.
श्रद्धा चोपडे हिने ५२ किलो खालील वजन गटात महाराष्ट्र राज्यासाठी सुवर्णपदक मिळवले आहे. जर्मनी येथे होणाऱ्या वर्ल्ड युनिव्हर्सिटी गेम्स २०२५ साठी श्रद्धा चोपडे हिची भारतीय संघात निवड झाली आहे. या अगोदर अनेक राष्ट्रीय व आंतरराष्ट्रीय स्पर्धेत श्रद्धा चोपडे हिने अनेक पदके जिंकली आहेत.
श्रद्धा चोपडे हिला प्रशिक्षक अर्जुन पुरस्कार प्राप्त यशपाल सोळंकी व मधुश्री देसाई, भीमराज रहाणे, अशोक जंगमे, कडुबाळ चोपडे यांचे मार्गदर्शन मिळत आहे.
भारतीय ज्युदो संघात निवड झाल्याबद्दल महाराष्ट्र ज्युदो संघटनेचे सचिव शैलेश टिळक, तांत्रिक समितीचे सचिव दत्ता आफळे, सतीश पहाडे, योगेश धाडवे, मधुश्री देसाई, गणेश शेटकर, विजय धिमान, जिल्हा संघटनेचे अध्यक्ष अजित मुळे, सचिव अतुल बामणोदकर, विश्वजीत भावे, विश्वास जोशी, प्रसन्न पटवर्धन, बजाजनगर व्यायाम व क्रीडा प्रसारक मंडळाचे अध्यक्ष नंदमुरी श्रीनिवास, मनोहर देवांनी, नामदेव दौंड, भीमराज रहाणे, अशोक जंगमे, अभिजित दळवी, शैलेश कावळे, सुधीर काटकर यांनी श्रद्धा चोपडे हिचे अभिनंदन करून शुभेच्छा दिल्या आहेत.
