कोलकाता ः इंडियन प्रीमियर लीगचा १८ हंगाम २२ मार्चपासून सुरू होणार आहे. गतविजेता केकेआर आणि आरसीबी यांच्यात पहिला सामना खेळवण्यात येणार आहे. या सामन्यापूर्वी, ईडन गार्डन स्टेडियमवर बॉलिवूड स्टार मंडळींचा रंगारंग सोहळा आयोजित करण्यात आला आहे. गायक करण औजला व अभिनेत्री दिशा पटानी यांची नावे सादर करणाऱ्या कलाकारांमध्ये समोर आली आहेत.
केकेआर विरुद्ध आरसीबी सामन्याची तिकिटे खरेदी करणारे चाहते विराट कोहलीची फलंदाजी पाहण्यापूर्वी बॉलिवूड स्टार्सच्या कामगिरीचा आनंद घेऊ शकतील. आयपीएल २०२५ चा उद्घाटन समारंभ सामना सुरू होण्याच्या १ तास आधी सुरू होईल. यामध्ये बॉलिवूड जगतातील अनेक प्रसिद्ध कलाकार सादरीकरण करतील.
आयपीएलच्या उद्घाटन समारंभात पंजाबी गायक करण औजला बॉलिवूड अभिनेत्री दिशा पटानीसोबत परफॉर्म करणार असल्याची बातमी आहे. हे दोघेही सध्या एका प्रोजेक्टवर एकत्र काम करत आहेत, ज्याचा व्हिडिओ इंटरनेटवर व्हायरल झाला आहे. याशिवाय, ‘चिकनी चमेली’, ‘जलिमा’ इत्यादी गाणी गायलेली प्रसिद्ध गायिका श्रेया घोषाल हिचे नावही पुढे येत आहे, जी आयपीएलच्या उद्घाटन समारंभात सादरीकरण करेल. तथापि, आयपीएलने अद्याप याची अधिकृत पुष्टी केलेली नाही.
उद्घाटन समारंभाची तिकिटे
आयपीएल २०२५ चा उद्घाटन समारंभ कोलकात्यातील ईडन गार्डन्स स्टेडियमवर केकेआर विरुद्ध आरसीबी सामन्यापूर्वी होईल. या सामन्याचे तिकीट हे उद्घाटन समारंभाचे तिकीट देखील असेल. या सामन्याची तिकिटे ऑनलाइन विक्रीसाठी उपलब्ध झाली आहेत. चाहते BookMyShow वर तिकिटे बुक करू शकतात.
सर्व संघ आणि त्यांच्या कर्णधारांची नावे
दिल्ली कॅपिटल्स ः कर्णधार अक्षर पटेल
सनरायझर्स हैदराबाद ः कर्णधार पॅट कमिन्स
रॉयल चॅलेंजर्स बंगळुरू ः कर्णधार रजत पाटीदार
राजस्थान रॉयल्स ः कर्णधार संजू सॅमसन
पंजाब किंग्ज ः कर्णधार श्रेयस अय्यर
लखनौ सुपर जायंट्स ः कर्णधार ऋषभ पंत
मुंबई इंडियन्स ः कर्णधार हार्दिक पांड्या
कोलकाता नाईट रायडर्स ः कर्णधार अजिंक्य रहाणे
गुजरात टायटन्स ः कर्णधार शुभमन गिल
चेन्नई सुपर किंग्ज ः कर्णधार रुतुराज गायकवाड
