पुणे ः महाराष्ट्र क्रिकेट संघटनेतर्फे आयोजित एमसीए सीनियर महिला एकदिवसीय सुपर लीग क्रिकेट स्पर्धेत एमसीए ब्लू महिला संघाने जालना महिला संघाचा १० विकेट राखून पराभव केला. या सामन्यात सिमरन डबास हिने सामनावीर किताब मिळवला.
पीकेएस विस्डम क्रिकेट अकादमी मैदानावर हा सामना झाला. जालना महिला संघाने नाणेफेक जिंकून प्रथम फलंदाजी स्वीकारत ४२.३ षटकात सर्वबाद १३६ असे माफक लक्ष्य उभे केले. एमसीए ब्लू महिला संघाने अवघ्या १९.३ षटकात बिनबाद १३७ धावा फटकावत दहा विकेट राखून दणदणीत विजय साकारला.
या सामन्यात सिमरन डबास हिने ६८ चेंडूत ६४ धावांची सुरेख खेळी केली. तिने दहा चौकार मारले. स्नेहा हिने ५२ चेंडूत ५४ धावांची आक्रमक अर्धशतकी खेळी केली. तिने नऊ चौकार मारले. ईशानी वर्मा हिने १० चौकारांसह ५१ धावा फटकावल्या. गोलंदाजीत समृद्धी (२-२०), सिमरन डबास (२-१७) व ऋतुजा काळे (२-११) यांनी प्रभावी मारा करत प्रत्येकी दोन बळी घेतले.
संक्षिप्त धावफलक ः जालना महिला संघ ः ४२.३ षटकात सर्वबाद १३६ (आरुषी गलांडे ९, ईशानी वर्मा ५१, रुही सिंग २५, कार्तिक देशमुख १२, जावेरिया कुरेशी ९, इतर २८, सुषमा पाटील २-२४, समृद्धी २-२०, सिमरन डबास २-१७, ऋतुजा काळे २-११, आदिती वाघमारे १-३८, प्रांजल पवार १-१४) पराभूत विरुद्ध एमसीए ब्लू महिला संघ ः १९.३ षटकात बिनबाद १३७ (स्नेहा नाबाद ५४, सिमरन डबास नाबाद ६४). सामनावीर ः सिमरन डबास.
