अध्यक्षपदी विराजमान होणाऱ्या पहिल्या महिला
नवी दिल्ली ः आंतरराष्ट्रीय ऑलिम्पिक समितीच्या अध्यक्षपदी क्रिस्टी कोव्हेंट्री यांची निवड झाली आहे. या पदावर निवडून येणारी त्या पहिल्या महिला आणि आफ्रिकन ठरल्या आहेत.
क्रिस्टी कोव्हेंट्री या आयओसीचे १० व्या अध्यक्ष आहेत आणि या पदावर नियुक्त झालेलल्या सर्वात तरुण आहेत. त्या २४ जून रोजी थॉमस बाख यांच्याकडून पदभार स्वीकारतील. सध्याचे अध्यक्ष बाक हे १२ वर्षांपासून ही जबाबदारी सांभाळत आहेत.
कोव्हेंट्रीने आनंद व्यक्त केला
निवडणुकीनंतर कोव्हेंट्री म्हणाल्या की, हा एक असाधारण क्षण आहे. नऊ वर्षांची मुलगी म्हणून, मी कधीच कल्पना केली नव्हती की एके दिवशी मी येथे उभी राहून आपल्या या अविश्वसनीय चळवळीत योगदान देईन. आयओसीचे सदस्य होण्यापूर्वी कोव्हेंट्री या झिम्बाब्वेच्या एक महान खेळाडू आहेत. त्यांनी आतापर्यंत देशाच्या आठ ऑलिम्पिक पदकांपैकी सात पदके जिंकली आहेत. २००४ च्या अथेन्स ऑलिम्पिकमध्ये त्याने तीन पदके जिंकली. त्यात २०० मीटर बॅकस्ट्रोकमधील सुवर्णपदकाचा समावेश होता. चार वर्षांनंतर त्यांनी यशस्वीरित्या आपले जेतेपद कायम ठेवले.
कोव्हेंट्री यांची आयओसीच्या १० व्या अध्यक्षपदी निवड झाली. ग्रीसमधील कोस्टा नॅव्हरिनो येथे झालेल्या १४४ व्या आयओसी सत्रात संघटनेच्या इतिहासात हे पद भूषवणारी ती पहिली महिला आणि पहिली आफ्रिकन आहे. त्यांनी जागतिक अ‍ॅथलेटिक्स प्रमुख सेबॅस्टियन को आणि स्पॅनिश क्रीडा प्रशासक जुआन अँटोनियो समरंच यांना मागे टाकले. कोव्हेंट्रीला दुबईमध्ये चॅम्पियन्स ट्रॉफीचे सामने पाहण्यासाठी आमंत्रित करण्यात आले होते आणि ४ मार्च रोजी भारत आणि ऑस्ट्रेलिया यांच्यातील उपांत्य सामन्यादरम्यान त्या उपस्थित होत्या.
झिम्बाब्वेच्या ४१ वर्षीय क्रीडा मंत्री कोव्हेंट्री या १३१ वर्षांत आंतरराष्ट्रीय ऑलिम्पिक समितीचे नेतृत्व करणाऱ्या पहिल्या महिला आणि पहिल्या आफ्रिकन आहेत. आंतरराष्ट्रीय ऑलिम्पिक समितीचे निवृत्त अध्यक्ष थॉमस बाख यांच्याही त्या आवडत्या असल्याचे मानले जाते. सर्व उमेदवार आणि त्यांचे मतदार आयओसी सदस्यांच्या विशेष आणि आमंत्रित क्लबमध्ये आहेत. ज्यांची सध्या संख्या १०९ आहे.
आयसीसीचे अध्यक्ष जय शाह यांनी केले अभिनंदन
आयसीसीचे अध्यक्ष जय शाह यांनी आंतरराष्ट्रीय ऑलिम्पिक समितीचे अध्यक्ष झाल्याबद्दल क्रिस्टी कोव्हेंट्री यांचे अभिनंदन केले आणि २०२८ च्या लॉस एंजेलिस ऑलिम्पिकपूर्वी झिम्बाब्वेच्या माजी क्रीडामंत्र्यांसोबत काम करण्यास उत्सुक असल्याचे सांगितले. २०२८ च्या लॉस एंजेलिस ऑलिम्पिकमध्ये क्रिकेटचाही समावेश असेल. १२८ वर्षांनंतर क्रिकेट ऑलिम्पिकमध्ये परतणार आहे. जय शाह आयओसीच्या वार्षिक अधिवेशनात सहभागी होण्यासाठी आले होते, जिथे अध्यक्षपदासाठी निवडणूक झाली होती.
