माद्रिद ः स्पॅनिश फुटबॉल दिग्गज बार्सिलोना संघाने उपांत्य फेरीच्या दुसऱ्या टप्प्यात अॅटलेटिको माद्रिदचा १-० असा पराभव करून कोपा डेल रे स्पर्धेच्या अंतिम फेरीत प्रवेश केला. आता जेतेपदाच्या सामन्यात त्यांचा सामना त्यांचा कट्टर प्रतिस्पर्धी रिअल माद्रिदशी होईल.
बार्सिलोनासाठी, फेरान टोरेसने पहिल्या हाफमध्ये गोल केला जो अखेर निर्णायक ठरला. यापूर्वी, फेब्रुवारीमध्ये या दोन्ही संघांमध्ये खेळल्या गेलेल्या उपांत्य फेरीच्या पहिल्या टप्प्यात ४-४ अशी बरोबरी झाली होती. अशाप्रकारे बार्सिलोनाने एकूण ५-४ असा विजय मिळवत अंतिम फेरीत प्रवेश केला. गेल्या चार हंगामात बार्सिलोना या स्पर्धेच्या अंतिम फेरीत पोहोचण्याची ही पहिलीच वेळ आहे.
अतिरिक्त वेळेत गेलेल्या सामन्यात रिअल माद्रिदने रिअल सोसिडाडचा ५-४ असा एकूण पराभव करून अंतिम फेरीत प्रवेश केला. २०१३-१४ हंगामानंतर या दोन्ही संघांमधील हा पहिलाच अंतिम सामना असेल. तेव्हा रिअल माद्रिदने जेतेपद जिंकले होते.
