जळगाव ः जळगाव येथील जैन इरिगेशन या मानांकित कंपनीचा आंतरराष्ट्रीय कॅरम खेळाडू योगेश धोंगडे यास सन २०२३–२४ करिता खेळाडू म्हणून श्री शिव छत्रपती पुरस्कार जाहीर करण्यात आला आहे.
योगेश धोंगडे याची गेल्या ५ वर्षातील राज्य, राष्ट्रीय आणि आंतरराष्ट्रीय स्तरावरिल उल्लेखनीय कामगिरी आधारे महाराष्ट्र राज्य सरकारने या पुरस्कारांची घोषणा केली.
योगेश धोंगडे यांच्या या दैदिप्यमान कामगिरीबद्दल त्यांचे जैन इरिगेशनचे अध्यक्ष अशोक भाऊ जैन, संचालक अतुल भाऊ जैन, प्रशासकीय क्रीडा अधिकारी अरविंद देशपांडे, क्रीडा समन्वयक रवींद्र धर्माधिकारी, सुयश बुरकुल, कॅरम व्यवस्थापक सय्यद मोहसिन व इतर सर्व सहकाऱ्यांनी अभिनंदन केले आहे.
सदर पारितोषिक वितरण १८ एप्रिल २०२५ रोजी पुणे येथे होणार आहे. तसेच सन २०२२–२३ या वर्षातील सर्व श्री शिव छत्रपती पुरस्कार विजेते खेळाडूंना पुरस्कार प्रदान करण्यात येणार असून त्यातही जैन इरिगेशनच्या संदीप दिवे, अभिजित त्रिपणकर व नीलम घोडके या तीन खेळाडूंचा समावेश आहे.
