पंकज अडवाणीला पराभूत केले
नवी दिल्ली ः भारताच्या दिग्गज क्यूइस्ट सौरव कोठारी याने आयर्लंडमधील कार्लो येथे झालेल्या अंतिम सामन्यात अनेक वेळा विजेता पंकज अडवाणीचा पराभव करून २०२५ च्या आयबीएसएफ वर्ल्ड बिलियर्ड्स स्पर्धेचे विजेतेपद जिंकले.
स्नूकर अँड बिलियर्ड्स आयर्लंड (एसबीआय) अकादमीमध्ये प्रतिष्ठित विजेतेपदासाठी क्यू क्रीडा जगतात भारतातील दोन सर्वोत्तम खेळाडू – कोठारी आणि अडवाणी यांच्यात एक रोमांचक लढत पाहायला मिळाली.
कोठारी (४०) याने ७२५-४८० गुणांनी अडवाणीचा पराभव करून विजेतेपद पटकावले. कोठारीचा ३२५ धावांचा ब्रेक हा सामन्याचा मुख्य आकर्षण होता आणि अलिकडच्या चॅम्पियनशिपच्या इतिहासातील सर्वोत्तम प्रयत्नांपैकी एक होता. कोठारी याने ११९ आणि ११२ चे ब्रेक देखील केले. या विजयासह, कोठारीने त्याचे ऐतिहासिक पहिले आयबीएसएफ वर्ल्ड जेतेपद जिंकले.
