आयपीएलमध्ये अर्धशतक करणारा तिसरा तरुण फलंदाज ठरला
बंगळुरू ः चेन्नई सुपर किंग्ज संघाचा युवा फलंदाज आयुष म्हात्रे याने शनिवारी शानदार कामगिरी करत एक मोठा विक्रम आपल्या नावावर केला. तो आयपीएलमध्ये अर्धशतक करणारा तिसरा सर्वात तरुण फलंदाज ठरला. या बाबतीत त्याने संजू सॅमसनला मागे टाकले.
आयुष म्हात्रेने रचला विक्रम
रॉयल चॅलेंजर्स बंगळुरू (आरसीबी) संघाविरुद्ध ९४ धावा काढल्यानंतर आयुष म्हात्रे बाद झाला. त्याचे शतक सहा धावांनी हुकले. याआधी त्याने चालू हंगामातील पहिले अर्धशतक २५ चेंडूत पूर्ण केले. यासह, तो आयपीएलमध्ये अर्धशतक करणारा तिसरा सर्वात तरुण फलंदाज बनला. त्याने १७ वर्षे आणि २९१ दिवसांच्या वयात अर्धशतक झळकावले.
अर्धशतक करणारा सर्वात तरुण फलंदाज
वैभव सूर्यवंशी (१४ वर्षे ३२ दिवस)
रियान पराग (१७ वर्षे १७५ दिवस)
आयुष म्हात्रे (१७ वर्षे २९१ दिवस)
संजू सॅमसन (१८ वर्षे १६९ दिवस)
