सोलापूर ः जीएच रायसोनी स्पोर्ट्स अँड कल्चरल फाउंडेशन, कल्पना प्रकाश वेल्फेअर फाउंडेशन व सोलापूर चेस अकॅडमी यांच्या संयुक्त विद्यमाने तसेच सोलापूर डिस्ट्रीक्ट चेस असोसिएशनच्या मान्यतेने सोमवारी (१२ एप्रिल) सकाळी १० वाजता टाकळीकर मंगल कार्यालय, जुळे सोलापूर येथे खुल्या तसेच ११ वर्षाखालील मुले व मुलींच्या जिल्हा निवड बुद्धिबळ स्पर्धेचे आयोजन केले आहे.
ही स्पर्धा जागतिक बुद्धिबळ संघटनेच्या स्विस लीग नियमानुसार खेळाडूंच्या संख्येनुसार ५ ते ८ फेऱ्यात संपन्न होणार असून खेळाडूंना प्रत्येकी १० मिनिटे व प्रत्येक चालीला ५ सेकंद वाढीव वेळ देण्यात येणार आहे. खुल्या गटातील प्रथम क्रमांकासाठी ७००० पासून ४०० अशी पंधरा तसेच सर्वोत्तम मुली, १५, ११, ८ या विविध गटात प्रत्येकी दहा आकर्षक पारितोषिके ठेवण्यात आलेले असून एकूण रोख पारितोषिकांसह ७५ बक्षिसे ठेवण्यात आलेली आहेत.
११ वर्षांखालील मुले व मुलींच्या गटातील प्रथम येणाऱ्या दोन खेळाडूंची निवड राज्यस्तरीय बुद्धिबळ स्पर्धेसाठी करण्यात येणार आहे. निवड झालेल्या खेळाडूंना प्रत्येकी १००० रुपये राज्य स्पर्धा खेळून आल्यानंतर देण्यात येणार असून स्पर्धेतील विजेत्या खेळाडूंना एकूण ४१००० हजार रुपयांपर्यंतची रोख बक्षिसे, आकर्षक जीएच रायसोनी चषक व मेडल्स देऊन गौरविण्यात येणार असल्याची माहिती कल्पना प्रकाश वेल्फेअर फाउंडेशनचे सचिव भूषण श्रीवास यांनी दिली.
इच्छुक खेळाडूंनी अधिक माहितीसाठी उदय वगरे (८८८८०४५३४४) अथवा प्रशांत पिसे (९१५६८१५९६३) यांच्याकडे संपर्क साधावा, असे आवाहन सोलापूर चेस अकॅडमीचे अध्यक्ष महेश धाराशिवकर व सचिव आंतरराष्ट्रीय पंच सुमुख गायकवाड यांनी केले आहे. या स्पर्धेत जास्तीत जास्त खेळाडूंनी सहभाग नोंदवावा असे आवाहन सोलापूर जिल्हा बुद्धिबळ असोसिएशनचे धैर्यशील मोहिते पाटील यांनी केले आहे.
