लंडन ः इंग्लंड दौऱ्यासाठी भारतीय कसोटी संघात तरुण आणि अनुभवी खेळाडूंना संधी मिळाली आहे. कसोटी मालिका सुरू होण्यापूर्वीच भारतीय संघ इंग्लंडमध्ये पोहोचला असून कसून सराव करत आहे. भारतीय संघ चांगल्या तयारीने आला असावा असे मत इंग्लंड संघाचे प्रशिक्षक ब्रेंडन मॅक्युलम यांनी व्यक्त केले आहे.
भारतीय संघ इंग्लंड दौऱ्यावर पाच कसोटी सामन्यांची मालिका खेळणार आहे आणि पहिला सामना २० जून रोजी होणार आहे. या मालिकेसाठी भारतीय संघाची कमान शुभमन गिलच्या हाती आहे. भारतीय कसोटी संघात तरुण आणि अनुभवी खेळाडूंना संधी मिळाली आहे. परंतु २००७ पासून टीम इंडियाने इंग्लंडच्या भूमीवर एकही कसोटी मालिका जिंकलेली नाही. अशा परिस्थितीत, तरुण टीम इंडियाची खरी परीक्षा असेल. कसोटी मालिकेपूर्वीच इंग्लंडचे प्रशिक्षक ब्रेंडन मॅक्युलम म्हणाले की, भारतीय संघ कसोटी मालिकेसाठी चांगली तयारी आणि आत्मविश्वासाने येथे आला असावा.
ब्रेंडन मॅक्युलम याने स्काय स्पोर्ट्स क्रिकेटला सांगितले की भारत हा एक उत्तम क्रिकेट खेळणारा देश आहे, जो येथे मोठ्या अपेक्षा घेऊन आला असावा आणि आम्ही त्यांच्या आव्हानासाठी तयार आहोत. ते म्हणाले की खेळाडूंनी ताजेतवाने राहणे महत्वाचे आहे. कसोटी संघ म्हणून आपल्याला कुठे पोहोचायचे आहे हे आम्हाला माहिती आहे.
जोफ्रा आर्चर पहिल्या कसोटीतून बाहेर
इंग्लंडच्या संघात वेगवान गोलंदाज मार्क वूड नसेल, जो दुखापतीमुळे किमान पहिल्या तीन कसोटी सामन्यांमधून बाहेर आहे. त्याचा सहकारी वेगवान गोलंदाज जोफ्रा आर्चर देखील पहिल्या कसोटी सामन्यातून बाहेर असेल, तर गस अ‍ॅटकिन्सन अजूनही हॅमस्ट्रिंग स्ट्रेनमधून बरा होत आहे. तथापि, मॅक्युलम याला इंग्लंडच्या गोलंदाजीच्या पर्यायांवर पूर्ण विश्वास आहे.
भारताविरुद्ध आमची कसोटी लागेल
ब्रेंडन मॅक्युलम म्हणाला की आमचे काही चांगले वेगवान गोलंदाज खेळण्यासाठी उपलब्ध नसतील परंतु आमच्याकडे वेगवान गोलंदाजी विभागात ख्रिस वोक्स, सॅम कुक, ब्रायडन कार्स, जेमी ओव्हरटन, जोश टंगू यांच्या रूपात चांगला आणि वैविध्यपूर्ण आक्रमण आहे. फिरकी विभागात, आमच्याकडे शोएब बशीर आहे, जो कसोटी क्रिकेटमध्ये सतत आपला खेळ सुधारत आहे. आम्हाला माहित आहे की भारताविरुद्ध आमची परीक्षा होईल आणि ते पूर्ण तयारीने येतील.
