नवी दिल्ली ः भारत आणि पाकिस्तान लवकरच क्रिकेटच्या मैदानावर एकमेकांशी भिडणार आहेत. या सामन्यात भारत आणि पाकिस्तानचे दिग्गज खेळाडू खेळताना दिसतील. दोन्ही संघांमधील सामना वर्ल्ड चॅम्पियनशिप ऑफ लीजेंड्स स्पर्धेत होणार आहे. या स्पर्धेचा दुसरा हंगाम १८ जुलैपासून सुरू होईल. ही स्पर्धा इंग्लंडमध्ये आयोजित केली जाणार आहे.
हा वर्ल्ड चॅम्पियनशिप ऑफ लीजेंड्स स्पर्धेचा दुसरा हंगाम असेल. १८ जुलैपासून सुरू होईल. त्याच वेळी, भारत आणि पाकिस्तान यांच्यातील हा महान सामना २० जुलै रोजी पाहायला मिळेल. या स्पर्धेत एकूण ६ संघ असतील, ज्यापैकी टॉप-४ संघ सेमीफायनलमध्ये पोहोचतील. तुम्हाला सांगतो की या स्पर्धेचा पहिला हंगाम भारतीय संघाने जिंकला होता. भारतीय संघाने अंतिम सामन्यात पाकिस्तानचा पराभव केला होता. गेल्या वेळी शाहिद आफ्रिदी, शोएब मलिक, युनूस खान, वहाब रियाझ यांसारखे दिग्गज खेळाडू पाकिस्तान संघात होते. यावेळीही हे खेळाडू स्पर्धेत दिसू शकतात.
युवराज सिंग भारतीय संघाची धुरा सांभाळेल
या स्पर्धेत युवराज सिंग भारतीय संघाचे नेतृत्व करेल. या हंगामात शिखर धवन, युसूफ पठाण, इरफान पठाण, हरभजन सिंग, रॉबिन उथप्पा, सुरेश रैना आणि अंबाती रायुडूसारखे दिग्गज खेळाडू भारतीय संघात खेळताना दिसणार आहेत.
भारतीय संघाचे संपूर्ण वेळापत्रक
भारत चॅम्पियन्स संघ २० जुलै रोजी पाकिस्तानविरुद्ध आपल्या मोहिमेची सुरुवात करेल. त्यानंतर २२ जुलै रोजी त्यांचा सामना दक्षिण आफ्रिका चॅम्पियन्सशी होईल. त्यानंतर २६ जुलै रोजी भारतीय संघ ऑस्ट्रेलिया चॅम्पियन्सशी होईल. २७ जुलै रोजी भारतीय संघ इंग्लंड चॅम्पियन्सशी आणि २९ जुलै रोजी वेस्ट इंडिज चॅम्पियन्सशी सामना करेल.
भारत चॅम्पियन्स संघ
युवराज सिंग (कर्णधार), शिखर धवन, रॉबिन उथप्पा, अंबाती रायुडू, सुरेश रैना, इरफान पठाण, युसूफ पठाण, हरभजन सिंग, पियुष चावला, स्टुअर्ट बिन्नी, गुरकीरत मान, विनय कुमार, सिद्धार्थ कौल, वरुण आरोन, अभिमन्यू मिथुन, पवन नेगी.
