लंडन ः लॉर्ड्स मैदानावर गुरुवारपासून सुरू होणाऱया तिसऱया कसोटी सामन्यासाठी इंग्लंड संघाने अंतिम इलेव्हनमध्ये वेगवान गोलंदाज जोफ्रा आर्चरचा समावेश केला आहे.
कसोटीच्या एक दिवस आधी इंग्लंडने त्यांच्या प्लेइंग इलेव्हनची घोषणा केली आहे, ज्यामध्ये एक महत्त्वाचा बदल दिसून येत आहे. हा बदल आधीच अपेक्षित होता. इंग्लंडकडून सांगण्यात आले आहे की संघातील दिग्गज वेगवान गोलंदाजांपैकी एक जोफ्रा आर्चर पुनरागमन करणार आहे. आर्चर दुसऱ्या सामन्यापासून संघात असला तरी, तो दीर्घ दुखापतीनंतर पुनरागमन करत आहे, त्यामुळे खबरदारी म्हणून त्याला प्लेइंग इलेव्हनमधून बाहेर ठेवण्यात आले होते. पण आता तो परतण्यासाठी पूर्णपणे सज्ज आहे.
विशेष म्हणजे जोफ्रा आर्चरने दुखापतीपूर्वी भारताविरुद्ध शेवटचा सामना खेळला होता. २०१९ मध्ये कसोटी पदार्पण करणाऱ्या जोफ्रा आर्चरने फेब्रुवारी २०२१ मध्ये अहमदाबाद येथे भारताविरुद्ध कसोटी सामना खेळला. म्हणजे, सुमारे साडेचार वर्षांच्या दीर्घ कालावधीनंतर जोफ्रा कसोटीत पुनरागमन करत आहे. तथापि, तो त्यादरम्यान लहान स्वरूपात खेळताना दिसला. इंग्लंडसाठी आतापर्यंत १३ कसोटी सामने खेळणाऱ्या जोफ्रा यांनी ४२ विकेट्स घेतल्या आहेत. त्यांनी तीन वेळा पाच विकेट्सही घेतल्या आहेत. भारताविरुद्धच्या त्याच्या विक्रमाबद्दल बोलायचे झाले तर, त्यांनी दोन कसोटी सामन्यात चार विकेट्स घेतल्या आहेत.
इंग्लंडचा प्लेइंग इलेव्हन
झॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ, ख्रिस वोक्स, ब्रायडेन कार्स, जोफ्रा आर्चर, शोएब बशीर.
