लंडन ः लॉर्ड्स कसोटी सामना अवघ्या २२ धावांनी गमावल्यानंतर कर्णधार शुभमन गिल खूप निराश दिसत होता. फलंदाजांची निराशाजनक कामगिरीमुळे पराभव झाला असल्याचे शुभमन गिल याने सांगितले.
या सामन्यात इंग्लंडने भारतासमोर विजयासाठी १९३ धावांचे लक्ष्य ठेवले होते, त्या प्रत्युत्तरात भारतीय संघ १७० धावा करून सर्वबाद झाला. या पराभवानंतर इंग्लंडचा कर्णधार शुभमन गिल स्पष्टपणे खूप निराश दिसत होता. त्याने या पराभवासाठी फलंदाजांना जबाबदार धरले आहे.
सामन्यानंतर शुभमन गिल म्हणाला की, चौथ्या दिवसाच्या खेळाच्या शेवटच्या एका तासात आम्हाला चांगली फलंदाजी करावी लागली. तो म्हणाला की गोष्टी खूप वेगाने बदलल्या. मला वाटते की शेवटच्या एका तासात आम्ही स्वतःला अधिक चांगले खेळू शकलो असतो. सकाळीही आमचा संघ एका योजनेसह खेळण्यासाठी आला होता. आम्हाला आशा होती की ५० धावांची भागीदारी होईल. जर वरच्या फळीकडून ५० धावांची भागीदारी असती तर आमच्यासाठी गोष्टी सोप्या झाल्या असत्या. बऱ्याच वेळा मालिकेचे स्कोअरकार्ड तुम्ही किती चांगले खेळला हे सांगू शकत नाहीत. मला वाटतं आम्ही चांगले क्रिकेट खेळलो आणि इथून मालिका अधिक मनोरंजक होईल.
संघाचा अभिमान – गिल
भारतीय कर्णधार गिल याने असेही म्हटले की मला या संघाचा अभिमान आहे. आमच्या संघाने शानदार खेळ केला. इंग्लंड संघाने भारतीय फलंदाजांविरुद्ध आक्रमक वृत्ती दाखवली. यानंतर, जेव्हा त्याला पुढील कसोटी सामन्यात जसप्रीत बुमराह खेळण्याबद्दल विचारण्यात आले तेव्हा त्याने उत्तर दिले की तुम्हाला लवकरच याबद्दल संपूर्ण माहिती मिळेल.
लॉर्ड्स कसोटी सामन्याची स्थिती
सामन्याबद्दल बोलताना, भारत आणि इंग्लंड दोन्ही संघांनी त्यांच्या पहिल्या डावात ३८७-३८७ धावा केल्या. यानंतर, इंग्लंड संघ दुसऱ्या डावात १९२ धावांवर ऑलआउट झाला. भारताला १९३ धावांचे लक्ष्य मिळाले, ज्याच्या प्रत्युत्तरात भारत १७० धावा करून ऑलआउट झाला. कर्णधार बेन स्टोक्सने या सामन्यात चेंडू आणि बॅटने उत्कृष्ट कामगिरी केली, ज्यासाठी त्याला सामनावीराचा पुरस्कार मिळाला.
