सेलू ः जागतिक टेनिस व्हॉलीबॉल दिन आणि डॉ. व्यंकटेश वांगवाड वाढदिवसाच्या निमित्ताने नितीन कला व क्रीडा मंडळ सेलू व परभणी जिल्हा टेनिस व्हॉलीबॉल असोसिएशन वतीने जिल्हास्तरीय खुल्या टेनिस व्हॉलीबॉल क्रीडा स्पर्धा आयोजन करण्यात आले होते. या स्पर्धेत पुरुष गटात निलेश माळवे आणि महिला गटात श्रेया उपासे यांनी विजेतेपद पटकावले.
नूतन इनडोअर क्रीडा हॉल येथे ही स्पर्धा घेण्यात आली. या स्पर्धेचे उद्घाटन माजी उपनगराध्यक्ष संदीप लहाने यांच्या हस्ते करण्यात आले, या प्रसंगी माजी मुख्याध्यापक चंद्रशेखर नावाडे, पोलीस उपनिरीक्षक माधव लोकुलवार, राज्य सचिव गणेश माळवे, जिल्हा सचिव सतीश नावाडे, डी डी सोन्नेकर, प्रा नागेश कान्हेकर आदी मान्यवर उपस्थित होते.
या स्पर्धेत पुरुष गटात २९ तर महिला गटात १६ खेळाडूंनी सहभाग नोंदवला होता. पुरुष गटात अंतिम सामना निलेश माळवे आणि शेख यासेर यांच्यात झाला. चुरशीच्या सामन्यात निलेश माळवे याने २-१ सेटने विजय साकारत विजेतेपद पटकावले. शेख यासेर उपविजेता ठरला तर तृतीय क्रमांक शेखर ताठे याने संपादन केला. महिला गटात श्रेया उपासे हिने प्रथम, दुर्गेश्वरी अर्जुने हिने द्वितीय तर कार्तिकी गोरे हिने तृतीय क्रमांक पटकावला.
स्पर्धेतील विजेत्या खेळाडूंना प्रथम बक्षीस दोन हजार रुपये व ट्रॉफी, द्वितीय बक्षीस एक हजार रुपये व ट्रॉफी, तृतीय बक्षीस पाचशे रुपये व ट्रॉफी देण्यात आली. बक्षीस वितरण समारंभ कार्यक्रमाचे अध्यक्ष डॉ विनायकराव कोठेकर हे होते. प्रमुख पाहुणे म्हणून संदीप लहाने, युवा उद्योजक अविनाश बिहाणी, प्रभाकर सुरवसे, चंद्रशेखर नावाडे, गणेश माळवे हे उपस्थित होते. कार्यक्रमाचे सूत्रसंचालन राजेश राठोड यांनी केले. प्रशांत नाईक यांनी आभार मानले.
स्पर्धेतील विजेते पुरुष व महिला खेळाडू राष्ट्रीय टेनिस व्हॉलीबॉल स्पर्धेसाठी पात्र ठरणार आहेत. रोख बक्षीस एक लाख रुपये राहिल. या कामगिरीबद्दल माजी आमदार हरीभाऊ लहाने, राज्य सचिव गणेश माळवे, संदीप लहाने, चंद्रशेखर नावाडे, जिल्हा सचिव सतिश नावाडे, प्रशांत नाईक, संजय भुमकर, राजेश राठोड, आदींनी खेळाडूंचे अभिनंदन केले आहे. स्पर्धा यशस्वीतेसाठी जिल्हा सचिव सतीश नावाडे, अनुराग आंबटी, राहुल घाडगे, दीपक निवळकर, प्रमोद गायकवाड, कपिल ठाकूर आदींनी परिश्रम घेतले.
