परभणी ः परभणी जिल्हा तलवारबाजी संघटनेतर्फे २ ऑगस्ट रोजी दुपारी चार वाजता जिल्हास्तरीय तलवारबाजी निवड चाचणी स्पर्धेचे आयोजन नूतन विद्यालय सेलू ता. सेलू येथे करण्यात आले आहे.
या निवड चाचणी स्पर्धेतून निवडलेला संघ हिंगोली ८ ते १० ऑगस्ट दरम्यान होणाऱ्या राज्यस्तरीय सब ज्युनियर तलवारबाजी स्पर्धेसाठी निवडण्यात येणार आहे. निवड चाचणीत सहभागी होण्यासाठी जन्मतारीख १ जानेवारी २०१२ दरम्यान असावी. अधिक माहितीसाठी स्पर्धा प्रमुख अनिल रावले (9766038193), संजय भूमकर (9169772222), सुशील जोरगेकर (8208822300) यांच्याशी संपर्क साधावा. या निवड चाचणी स्पर्धेत अधिकाधिक खेळाडूंनी सहभागी व्हावे, असे आवाहन जिल्हा संघटनेचे अध्यक्ष ॲड. दीपकराव देशमुख, जिल्हा संघटनेचे सचिव डॉ पांडुरंग रणमाळ, गणेश माळवे, प्रशांत नाईक यांनी केले आहे.
