लंडन ः इंग्लंड संघाविरुद्धची पाच कसोटी सामन्यांची मालिका २-२ अशी बरोबरीत ठेवून भारतीय संघाने क्रिकेट तज्ज्ञांचे दावे खोटे ठरवले. या मालिकेत भारतीय संघाने दमदार कामगिरी केली आहे आणि आता भाारतीय संघ आगामी मालिकेत वेस्ट इंडिज संघाशी खेळणार आहे. ही मालिका भारतीय भूमीवर होणार आहे.
इंग्लंडनंतर आता भारतीय क्रिकेट संघ ऑक्टोबर २०२५ मध्ये घरच्या मैदानावर वेस्ट इंडिजविरुद्ध कसोटी मालिका खेळणार आहे. जिथे भारतीय संघ वेस्ट इंडिजविरुद्ध कसोटी मालिकेत दोन सामने खेळेल. या मालिकेत, इंग्लंड दौऱ्यावर दमदार खेळ दाखवणाऱ्या खेळाडूंना कायम ठेवता येईल.
पहिला सामना २ ऑक्टोबर रोजी होईल
भारतीय संघ आणि वेस्ट इंडिज यांच्यातील पहिला कसोटी सामना २ ते ६ ऑक्टोबर २०२५ दरम्यान खेळला जाईल. हा सामना अहमदाबाद येथील नरेंद्र मोदी क्रिकेट स्टेडियमवर होणार आहे. यानंतर, दुसरी कसोटी १० ते १४ ऑक्टोबर दरम्यान दिल्लीतील अरुण जेटली स्टेडियमवर होईल. दोन्ही सामने भारतीय वेळेनुसार सकाळी ९:३० वाजता सुरू होतील आणि या सामन्यांचा टॉस अर्धा तास आधी होईल.
भारतीय खेळाडूंनी इंग्लंडमध्ये जोरदार कामगिरी केली
शुभमन गिल इंग्लंडविरुद्धच्या कसोटी मालिकेत सर्वाधिक धावा करणारा फलंदाज ठरला आहे. त्याने पाच कसोटी सामन्यांमध्ये एकूण ७५४ धावा केल्या आहेत, ज्यात चार शतके आहेत. त्याच्या व्यतिरिक्त, केएल राहुलने ५३२ धावा केल्या आणि दोन शतके केली. दुसरीकडे, मोहम्मद सिराजने घातक गोलंदाजीचा नमुना सादर केला आणि तो चालू मालिकेत सर्वाधिक बळी घेणारा गोलंदाज ठरला. त्याने एकूण २३ बळी घेतले. जसप्रीत बुमराह आणि प्रसिद्ध कृष्णा दोघांनीही १४-१४ बळी घेतले.
