यशस्वी जैस्वालचा समावेश टॉप ५ मध्ये
दुबई ः आयसीसी रँकिंगमध्ये मोहम्मद सिराजने १२ स्थानांची मोठी झेप घेतली आहे. यशस्वी जैस्वाल टॉप ५ मध्ये आला आहे. भारत विरुद्ध इंग्लंड पाचव्या कसोटी सामन्यानंतर, आयसीसीने ६ ऑगस्ट रोजी रँकिंग अपडेट केले आहे.
सिराज यापूर्वी कसोटी गोलंदाजांच्या क्रमवारीत २७ व्या स्थानावर होता. कसोटी फलंदाजांच्या क्रमवारीत जैस्वाल ५ व्या स्थानावर पोहोचला आहे. रवींद्र जडेजाने गोलंदाजीच्या क्रमवारीत ३ स्थानांची घसरण केली आहे, तो १४ वरून १७ व्या स्थानावर घसरला आहे.
मोहम्मद सिराज
इंग्लंडविरुद्धच्या पाचव्या कसोटी सामन्यात मोहम्मद सिराजने एकूण ९ बळी घेतले, दुसऱ्या डावात त्याने ५ बळी घेतले. या शानदार कामगिरीमुळे भारताने सामना ६ धावांनी जिंकला आणि सिराजला सर्वोत्तम खेळाडू म्हणून घोषित करण्यात आले. आयसीसी रँकिंगमध्ये त्याला याचे बक्षीसही मिळाले आहे. आयसीसी कसोटी गोलंदाजांच्या क्रमवारीत मोहम्मद सिराज ६७४ रेटिंगसह १५ व्या क्रमांकावर आहे. त्याने मोठी झेप घेतली आहे, तो आधी २७ व्या क्रमांकावर होता.
यशस्वी जैस्वाल
पाचव्या कसोटीत शतक झळकावणारा एकमेव भारतीय फलंदाज यशस्वी जयस्वालने आयसीसी कसोटी फलंदाजांच्या क्रमवारीत ३ स्थानांनी झेप घेतली आहे. तो टॉप ५ मध्ये सामील झाला आहे, तो आधी ८ व्या क्रमांकावर होता आणि आता ७९२ रेटिंगसह पाचव्या क्रमांकावर आला आहे. इंग्लंडचा हॅरी ब्रूक एका स्थानाने दुसऱ्या क्रमांकावर पोहोचला आहे. नंबर १ कसोटी फलंदाजाचा मुकुट असलेल्या जो रूटने ५ व्या कसोटीतही शतक झळकावले.
अष्टपैलू खेळाडूंच्या क्रमवारीत बदल
पूर्वी ७ व्या क्रमांकावर असलेला जो रूट आता ८ व्या क्रमांकावर घसरला आहे. गस अ‍ॅटकिन्सन एका स्थानाने पुढे जाऊन ९ व्या क्रमांकावर पोहोचला आहे. टॉप ५ यादीत कोणताही बदल झालेला नाही. रवींद्र जडेजा कसोटीत नंबर १ अष्टपैलू खेळाडू आहे.
कसोटी क्रमवारीतील टॉप ५ फलंदाज
जो रूट (इंग्लंड) – ९०८
हॅरी ब्रूक (इंग्लंड) – ८६८
केन विल्यमसन (न्यूझीलंड) – ८५८
स्टीव्ह स्मिथ (ऑस्ट्रेलिया) – ८१६
यशस्वी जैस्वाल (भारत) – ७९२
कसोटी क्रमवारीतील टॉप ५ गोलंदाज
जसप्रीत बुमराह (भारत) – ८८९
कागिसो रबाडा (दक्षिण आफ्रिका) – ८५१
पॅट कमिन्स (ऑस्ट्रेलिया) – ८३८
मॅट हेन्री (न्यूझीलंड) – ८१७
जोश हेझलवूड (ऑस्ट्रेलिया) – ८१५
