अमरावती जिल्हा क्रीडा कार्यालयातर्फे शानदार नियोजन
अमरावती ः जिल्हा क्रीडा परिषद अमरावती व जिल्हा क्रीडा अधिकारी कार्यालय अमरावती यांच्या माध्यमातून केशवदादा टोम्पे यांच्या स्मृतीपित्यार्थ शालेय तालुकास्तरीय बॅडमिंटन स्पर्धेचे आयोजन निर्मिती पब्लिक स्कूल, नानोरी रोड, चांदुरबाजार येथे करण्यात आले होते.
कार्यक्रमाचे अध्यक्ष भाष्कर टोम्पे हे होते. तर प्रमुख पाहुणे म्हणून तहसीलदार लक्ष्मीकांत तिवारी, गटशिक्षणाधिकारी वकार खान, ठाणेदार अशोक जाधव, सहाय्यक ठाणेदार उल्हास राठोड, तालुका क्रीडा अधिकारी संतोष विघ्ने, सचिव विजयराव टोम्पे, प्राचार्य राजेंद्र रामटेके, सुरेशराव सवळे, सागर सवळे, डॉ अहिर, मुख्याध्यापक तुषार खोंड, तालुका क्रीडा संयोजक पंकज उईके, तालुका शारीरिक शिक्षक संघटना चांदुर बाजार अध्यक्ष नवीन दंडाले, उपाध्यक्ष प्रवीण मोहोड, डॉ तुषार देशमुख (सचिव), सर्व शारीरिक शिक्षक पदाधिकारी व कर्मचारी यांच्यासह अनेक मान्यवर उपस्थित होते.
स्पर्धेची सुरुवात कासाब जाधव, केशवदादा टोम्पे, गाडगे महाराज व छत्रपती शिवाजी महाराज यांच्या फोटोंचे पूजन व मैदान पूजन करून करण्यात आले. निर्मिती पब्लिक स्कूलतर्फे सर्व मान्यवरांचा सत्कार करण्यात आला. ग्रामीण भागातील जास्तीत जास्त खेळाडू हे राज्यस्तरीय स्पर्धा पात्र झाले पाहिजेत हा नेहमी भास्करदादा टोम्पे यांचा संकल्प राहिला आहे आणि त्यांच्या या संकल्पनेला पुढे नेण्याकरिता शालेय स्पर्धेचे आयोजन निर्मिती स्कूल येथे करण्यात आले आहे. यामध्ये मोठ्या संख्येने तालुक्यातील शाळेने सहभाग नोंदवून आपल्या खेळाचे कौशल्य दाखविले यामध्ये तालुका पातळीवरील ही स्पर्धा यशस्वीपणे पार पडली आहे.
अंतिम निकाल
१४ वर्षे मुले : १. निर्मिती पब्लिक स्कूल, २. होली फेथ इंग्लिश पब्लिक स्कूल.
१४ वर्षे मुली : १. निर्मिती पब्लिक स्कूल, २. जगदंब पब्लिक स्कूल.
१७ वर्षे मुले : १. नगर परिषद विद्यालय, २. जगदंब पब्लिक स्कूल.
१७ वर्षे मुली : १. जगदंब पब्लिक स्कूल, २. ऑरेंज लाईन स्कूल.
१९ वर्षे मुले : १. निर्मिती पब्लिक स्कूल, २. ऑरेंज लाईन स्कूल.
१९ वर्षे मुली ः १. नगर परिषद विद्यालय, २. निर्मिती पब्लिक स्कूल.
