मुंबई ः जुहू विले पार्ले जिमखान्यात सुरू असलेल्या पहिल्या जुहू विले पार्ले जिमखाना राज्य मानांकन कॅरम स्पर्धेत मुंबईच्या युवा कॅरमपटू सार्थ मोरे याने मुंबईच्या अनुभवी राष्ट्रीय कॅरम खेळाडू गिरीश तांबेवर सरळ दोन सेटमध्ये २५-७, २२-८ असा विजय मिळवून चौथ्या फेरीत प्रवेश केला.
या स्पर्धेचे उद्घाटन जुहू विले पार्ले जिमखान्याचे कॅरम व टेबल टेनिस विभागाचे सचिव संजीव शहा यांच्या हस्ते करण्यात आले. याप्रसंगी महाराष्ट्र कॅरम असोसिएशनचे सचिव अरुण केदार, खजिनदार अजित सावंत आणि सहसचिव केतन चिखले उपस्थित होते.
पुरुष एकेरी तिसऱ्या फेरीचे निकाल
संजय मोहिते (मुंबई) विजयी विरुद्ध विजय पाटील (मुंबई उपनगर), सचिन बांदल (पुणे) विजयी विरुद्ध चेतन देवळेकर (मुंबई), जितेश कदम (मुंबई उपनगर) विजयी विरुद्ध अबिद अहमद खान (मुंबई), सय्यद मोहसीन कासीम (जळगाव) विजयी विरुद्ध संजय मंजाळकर (पालघर), नूर शेख (मुंबई) विजयी विरुद्ध ओमकार मोरे (रत्नागिरी), राजेश गोहिल (रायगड) विजयी विरुद्ध अर्शद अकबर शेख (मुंबई उपनगर), महम्मद घुफ्रान (मुंबई) विजयी विरुद्ध अक्षय देशमुख (ठाणे), निरंज चारी (पालघर) विजयी विरुद्ध अमोल पांचाळ (मुंबई), आयुष गरुड (पुणे) विजयी विरुद्ध नदीम सिद्दीकी (मुंबई उपनगर), सलमान खान (मुंबई) विजयी विरुद्ध शांतीलाल जितिया (मुंबई), जोनाथन बोनाल (पालघर) विजयी विरुद्ध मुनिअप्पन राजा (मुंबई उपनगर), सुधाकर नायकरे (पुणे) विजयी विरुद्ध राज लोके (मुंबई उपनगर).
