आम्ही खराब खेळलो पण हस्तांदोलनास तयार होतो – हेसन
दुबई ः आशिया कप स्पर्धेत भारत आणि पाकिस्तान यांच्यात रविवारी एक सामना झाला. या सामन्यात भारतीय संघाने जबरदस्त विजय नोंदवला, त्यानंतर एक वेगळेच दृश्य पाहायला मिळाले. सामना संपल्यानंतर भारतीय संघाचा कर्णधार सूर्यकुमार यादवने पाकिस्तानी खेळाडूंशी हस्तांदोलन केले नाही. या निर्णयाबाबत त्याने स्पष्टपणे सांगितले की हे पाऊल विचारपूर्वक आणि देशाच्या हितासाठी उचलले गेले आहे.
विजयी षटकार मारल्यानंतर सूर्यकुमारने सहकारी खेळाडू शिवम दुबेशी हस्तांदोलन केले आणि थेट मैदानाबाहेर गेला. त्याच वेळी, पाकिस्तानी खेळाडू हस्तांदोलन करण्यासाठी थांबले होते. टॉस दरम्यान देखील सूर्यकुमार यादवने पाकिस्तानचा कर्णधार सलमान अली आघाशी हस्तांदोलन केले नाही.
काही गोष्टी क्रीडाभावनेपेक्षा वरच्या आहेत
सामन्यानंतरच्या पत्रकार परिषदेत सूर्यकुमार म्हणाला की आमचे सरकार आणि बीसीसीआयचे मत समान आहे. आम्ही येथे फक्त खेळ खेळण्यासाठी आलो होतो आणि आम्ही योग्य पद्धतीने प्रतिसाद दिला. काही गोष्टी क्रीडाभावनेपेक्षा वरच्या आहेत. सूर्यकुमार पुढे म्हणाला की, त्यांनी सादरीकरणात असेही म्हटले होते की आम्ही पहलगाम दहशतवादी हल्ल्यातील सर्व बळी आणि त्यांच्या कुटुंबियांच्या पाठीशी उभे आहोत. तसेच, आम्ही हा विजय ऑपरेशन सिंदूरमध्ये सहभागी असलेल्या आमच्या शूर सैनिकांना समर्पित करतो. आशा आहे की ते आपल्या सर्वांना प्रेरणा देत राहतील आणि जेव्हा जेव्हा आम्हाला संधी मिळेल तेव्हा आम्ही त्यांना हसण्याचे कारण देऊ.
माइक हेसन यांनी निराशा व्यक्त केली
दुसरीकडे, पाकिस्तानचे प्रशिक्षक माइक हेसन यांनी निराशा व्यक्त केली. त्यांनी सांगितले की आम्ही हस्तांदोलन करण्यास तयार होतो, परंतु भारतीय खेळाडू मैदान सोडून गेले. ते आमच्यासाठी निराशाजनक होते. भारतीय संघाने त्यांच्या दुसऱ्या सामन्यात पाकिस्तानला प्रत्येक विभागात हरवले. पाकिस्तानचे प्रशिक्षक माईक हेसन म्हणाले की, सामन्यानंतर सादरीकरणात सलमान अली आघा याची अनुपस्थिती भारताच्यावृत्तीचा परिणाम होती. त्यांनी सांगितले की आम्ही हस्तांदोलन करण्यास तयार होतो, परंतु भारतीय संघाने तसे केले नाही. ते निराशाजनक होते. आम्ही खराब खेळलो, परंतु आम्ही हस्तांदोलन करण्यास तयार होतो.
सूर्यकुमार म्हणाला की, सोशल मीडियाच्या आवाजापासून अंतर राखल्याने संघाला संयम राखण्यास मदत झाली. सूर्यकुमार म्हणाले की, आम्ही येथे आल्याच्या पहिल्याच दिवशी ठरवले होते की आम्ही बाहेरील आवाजापासून ७५-८० टक्के अंतर ठेवू. म्हणूनच आम्ही स्पष्ट मनाने मैदानावर आलो आणि आमच्या योजना सहजपणे अंमलात आणू शकलो. चाहत्यांच्या पाठिंब्याने त्यांना ऊर्जाही मिळाली. या संपूर्ण वादात, भारतीय संघाचा विजय आणि कर्णधार सूर्यकुमारच्या विधानाने पुन्हा एकदा स्पष्ट झाले की संघाने मैदानावर आणि मैदानाबाहेर आपली भूमिका स्पष्ट केली आहे.
