वासिंद ः वर्ल्ड फुनाकोशी शोतोकान असोसिएशन इंडिया आयोजित राष्ट्रीय स्तरीय कराटे स्पर्धा प्रियदर्शिनी स्पोर्ट्स कॉम्प्लेक्स मुलुंड येथे पार पडली. या स्पर्धेत सरस्वती विद्यालय वासिंदच्या लावण्या सदाशिव सातपुते हिने १६ वर्ष वयोगटात ६५ किलो वजनी गटात सुवर्ण पदक जिंकून शाळेचा नावलौकिक वाढवला.
या शानदार कामगिरीबद्दल तिचे व क्रीडा शिक्षक, कराटे प्रशिक्षक दौलत चव्हाण, क्रीडा प्रमुख सुनील ठाकरे यांचे पर्यवेक्षिक धनगर, भोईर, उपप्राचार्य सापळे, प्राचार्या कांबळे यांनी अभिनंदन केले. तसेच विद्या विकास मंडळाचे सचिव रवींद्र शेलार, मंडळाचे चेअरमन विठ्ठल सातवी, सर्व संचालक यांनी कौतुक करून पुढील वाटचालीसाठी शुभेच्छा दिल्या आहेत.
