जळगाव ः मुंबई येथे झालेल्या राज्यस्तरीय ॲथलेटिक्स स्पर्धेत जळगाव जिल्ह्याचा भुसावळ तालुक्याचा खेळाडू दिगंबर कोळी याने गोळाफेक प्रकारात कांस्यपदक पटकावले.
या इव्हेंटमध्ये अमरावतीच्या रेवन क्षीरसागर याने १४.५० मीटर फेक करीत सुवर्णपदक पटकावले. पुण्याच्या अथर्व बोगम याने १४.३२ मीटर फेक करीत रौप्यपदक तर जळगावच्या दिगंबर कोळी याने ११.७४ मीटर फेक करीत कांस्यपदक पटकावले.
त्याच्या या यशाबद्दल राज्य वस्त्रोद्योग मंत्री संजय सावकारे, आमदार राजुमामा भोळे, आमदार प्रा चंद्रकांत सोनवणे, जळगाव जिल्हा ॲथलेटिक्स असोसिएशनचे अध्यक्ष नारायण खडके, जिल्हा क्रीडा अधिकारी रवींद्र नाईक, मनपा क्रीडा अधिकारी दिनानाथ भामरे, जिल्हा ॲथलेटिक्स असोसिएशनचे चेअरमन एम वाय चव्हाण, कार्याध्यक्ष डॉ पी आर चौधरी, उपाध्यक्ष इकबाल मिर्झा, डॉ विजय पाटील, सचिव राजेश जाधव, मीनल थोरात, भुसावळ तालुका ॲथलेटिक्स असोसिएशनचे अध्यक्ष चंद्रकांत निकम, सचिव रवींद्र चोपडे यांनी अभिनंदन केले आहे.
