सुवर्णपदक विजेत्या संस्कृती कपाळेची राष्ट्रीय स्पर्धेसाठी निवड
धाराशिव ः छत्रपती संभाजीनगर येथे विभागीय क्रीडा संकुलात झालेल्या राज्यस्तरीय शालेय तायक्वांदो स्पर्धेत धाराशिवच्या तायक्वांदोपटूंनी एक सुवर्ण व पाच कांस्य पदकांची कमाई केली.
१७ वर्षांखालील मुलींच्या ३२ किलो खालील गटात अभिनव इंग्लिश स्कूलची संस्कृती कपाळे हिने उत्कृष्ट कामगिरी करत सुवर्णपदक पटकावले. अनुराग पाटील, स्वरा कांबळे, ऋत्विक ठाकर, हर्षवर्धन शिंदे, ऋतुराज मोरे यांनी कांस्यपदकाची कमाई केली. सुवर्णपदक विजेती संस्कृती कपाळे ही इटानगर, अरुणाचल प्रदेश येथे होणाऱ्या राष्ट्रीय शालेय तायक्वांदो स्पर्धेमध्ये महाराष्ट्राचे प्रतिनिधित्व करेल.
यशस्वी खेळाडूंचा धाराशिव जिल्हा तायक्वांदो असोसिएशनचे अध्यक्ष धनंजय रणदिवे, उपाध्यक्ष जी बी कासराळे, सचिव राजेश महाजन, सहसचिव सूर्यकांत वाघमारे, अनिल बळवंत, रवी जाधव यांनी अभिनंदन केले. विजेत्या खेळाडूंना राजेश महाजन, राम दराडे व माधव महाजन, सुमेध चिलवंत आणि स्मिता गायकवाड यांचे मार्गदर्शन लाभले.
