छत्रपती संभाजीनगर ः जिल्हा क्रीडा अधिकारी कार्यालय छत्रपती संभाजीनगर यांच्यावतीने विभागीय वेटलिफ्टिंग स्पर्धा विभागीय क्रीडा संकुल येथे घेण्यात आली. या स्पर्धेत भागीरथी विद्यालयाच्या चार खेळाडूंनी सहभाग नोंदवून चमकदार कामगिरी केली. त्यात आचल कुमावत हिने सुवर्णपदक जिंकून विभागात प्रथम क्रमांक पटकावला.
या स्पर्धेत १९ वर्षांखालील गटात ७७ किलो वजन गटात आचल कुमावत हिने विभागात सर्वप्रथम क्रमांक पटकावून सुवर्णपदकाची कामगिरी केली. या शानदार कामगिरीबद्दल तिची मनमाड येथे होणाऱ्या राज्यस्तरीय वेटलिफ्टिंग स्पर्धेसाठी निवड झाली.
१९ वर्षांखालील वयोगटात ६० किलो वजन गटात कृष्णा काकडे याने विभागातून द्वितीय क्रमांक मिळवला. ६५ किलो वजन गटात संदीप जारवाल याने विभागातून द्वितीय क्रमांक मिळवला. हे दोघेही रौप्य पदकाचे मानकरी ठरले. १७ वर्षांखालील मुलींच्या ५८ किलो वजन गटात द्वितीय क्रमांक पटकावला. या सर्व खेळाडूंना क्रीडा शिक्षक भरत निंबाळकर यांचे मार्गदर्शन लाभले आहे.
संस्थेचे अध्यक्ष चंद्रकांत गायकवाड, सचिव वाल्मीकराव सुरासे, उपाध्यक्ष विठ्ठल पैठणकर, कोषाध्यक्ष विशाल सुरासे, प्राचार्य बी एम हजारे, वेटलिफ्टिंग संघटनेचे सचिव दीपक रुईकर, प्रमोद पठारे, संचालक दत्तात्रय सुरासे, वेटलिफ्टिंग प्रशिक्षक भाऊसाहेब खरात, सुनील भवर, प्रमोद चव्हाण, राजेश्वर विभुते, गणेश जगताप, प्रमोद रिंढे, प्रवीण जाधव, मनीषा उभेदळ, सागर राजपूत, रोहिदास त्रिभुवन, भारत भोपळे, प्रवीण जाधव, कटारे, गोकुळ पवार, जयश्री बोर्डे, सुरज साळवे, अधीक्षक मंजुषा सपकाळ, समाधान सुरासे, मंगेश दुतोंडे, दर्शन पाटील, ज्ञानदेव तायडे, किशोर साळुंखे, सुनील बोडखे, अमोल त्रिभुवन, विशाल साबळे, भगवान सुरासे आदी ग्रामस्थांनी तिचे अभिनंदन केले.
