अंडर २३ क्रिकेट संघाची निवड
जालना : महाराष्ट्र क्रिकेट असोसिएशनच्या राज्यस्तरीय निमंत्रितांच्या स्पर्धा होणार असून त्यासाठी जालना जिल्हा क्रिकेट असोशिएशनतर्फे २३ वर्षांखालील खेळाडूंसाठी जिल्हा संघ निवड चाचणी रविवारी (१९ जानेवारी) सकाळी १० वाजता साईकाणे अॅस्ट्रो टर्फ, एमआरडीए स्कूल जवळ, रोहन वाडी रोड जालना येथे घेण्यात येणार आहे.
या निवड चाचणीसाठी १ सप्टेंबर २००२ तारखेनंतर जन्मलेल्या खेळाडूंना सहभागी होता येणार आहे. इच्छुक खेळाडूंनी साईकाणे क्रिकेट अकादमी येथे १९ जानेवारी रोजी सकाळी १० वाजता उपस्थित रहावे. खेळाडूंनी जन्म प्रमाणपत्र, आधार कार्ड, टीसी, दहावी व बारावीची मार्कशीट आणि आवश्यक त्या प्रमाणपत्राच्या सत्यप्रतींसह उपस्थित रहावे, असे आवाहन जालना जिल्हा क्रिकेट असोसिएशनचे अध्यक्ष अॅड नरेंद्र देशपांडे, राजू काणे, अभिजीत चव्हाण व सर्व सदस्यांच्या वतीने करण्यात आले आहे.
या निवड चाचणीतून निवड झालेल्या खेळाडूंना महाराष्ट्र क्रिकेट असोसिएशनच्या राज्यस्तरीय आमंत्रितांच्या स्पर्धेत जालना जिल्ह्याचे प्रतिनिधित्व करण्याची संधी मिळेल. सर्व खेळाडूंनी क्रिकेट पोशाखात स्वतःच्या क्रिकेट साहित्यासह उपस्थित राहावे असे आवाहन करण्यात आले आहे. अधिक माहितीसाठी 9823373361, 9922933138 या क्रमांकावर संपर्क साधावा.
