क्रीडा महोत्सवातील विजेत्यांना कुलगुरूंच्या हस्ते पारितोषिकांचे वितरण

नामविस्तार दिन क्रीडा स्पर्धा

छत्रपती संभाजीनगर : डॉ बाबासाहेब आंबेडकर मराठवाडा विद्यापीठाच्या क्रीडा महोत्सवातील विजेत्यांना कुलगुरू डॉ. विजय फुलारी यांच्या हस्ते पारितोषिके प्रदान करण्यात आली.

सर्वाधिक चुरस निर्माण झालेल्या क्रिकेट स्पर्धेत स्थावर मालमत्ता विभागाच्या संघाने विजेतेपद पटकाविले तर महिला गटात अदिती संघाने विजयी ढाल जिंकली.

विद्यापीठ क्रीडा विभागाच्या वतीने नामविस्तार दिनानिमित्त कुलगुरू डॉ. विजय फुलारी यांच्या संकल्पनेतून बॅडमिंटन, व्हॉलिबॉल, क्रिकेट, रस्सीखेच व संगीत-खुर्ची पुरुष व महिला गटांच्या स्पर्धांचे आयोजन करण्यात आले होते. कुलसचिव डॉ प्रशांत अमृतकर, डॉ कैलास पाथ्रीकर, डॉ संदीप जगताप यांच्या मार्गदर्शनाखाली स्पर्धा घेण्यात आल्या. 

बॅडमिंटन स्पर्धेमध्ये पुरुष गटात कुलसचिव डॉ प्रशांत अमृतकर यांनी विजेतेपद मिळवले. डॉ विनय लोमटे, अजिंक्य चव्हाण, डॉ प्रवीण एन्नावार यांनी या स्पर्धेत घवघवीत यश मिळविले. महिला गटात स्वाती पगडे यांनी अजिंक्यपद मिळवले. जिज्ञासा वानखेडे, डॉ सोनाली क्षीरसागर, पद्मा तायडे यांना पारितोषके देण्यात आली. 

व्हॉलीबॉल स्पर्धेत रवींद्र पारधी यांचा प्रशासन संघ विजेता तर यशपाल साळवे यांचा संघ उपविजेता ठरला. क्रिकेटमध्ये स्थावर मालमत्ता विभाग आणि लेखा विभाग व अस्थापना विभागाच्या संघात अंतिम सामना झाला. यामध्ये विजेत्या स्थावर मालमत्ता संघात जितेंद्र पाटील (कर्णधार), रवींद्र काळे, जय देशमाने, रवी पारधे, रवींद्र खताळ, बलभीम मरकड, प्रशांत शिनगारे, क्रार्तीक चव्हाण, अजय सलामपुरे, सुनील कणिसे, रियाज मुल्ला, शेख मोईज, रणजीत तांगडे, तन्वीर अहमद, गणेश खरात या खेळाडूंचा सहभाग होता. कार्यकारी अभियंता रवींद्र काळे, डॉ कैलास पाथ्रीकर, नितीन गायकवाड, मनोज शेटे यांनी संघास मार्गदर्शन केले. रोहित सलामपुरे यांचा अस्थापन संघ उपविजेता ठरला.

महिला गटात सविता कदम यांच्या नेतृत्वाखाली अदिती संघाने विजेतेपद पटकाविले. या संघात शिल्पा हिरवाळे, स्वाती पगडे, संगीता भिंगारे, कविता शेटे, कविता जाधव, अनिता तायडे, समिधा केवट, सुनंदा हिरवळे, सुनीता भुजबळ, मीनाक्षी जाधव यांचा सहभाग होता. उपकुलसचिव हेमलता ठाकरे, संजय लांब यांनी संघास मार्गदर्शन केले. तर महिला गटात डॉ. अनिता पाटील यांचा दामिणी संघ उपविजेता ठरला. या संघाला कुलगुरू डॉ विजय फुलारी यांच्या हस्ते बक्षीस वितरण आले. यावेळी प्र-कुलगुरू डॉ वाल्मिक सरवदे, कुलसचिव डॉ प्रशांत अमृतकर, डॉ इंदिरा आठवले, व्यवस्थापन परिषद सदस्य बसवराज मंगरुळे, डॉ कैलास अंभुरे, नितीन जाधव आदी उपस्थित होते.