बाळासाहेब तोरसकर
नवी दिल्ली : महाराष्ट्राच्या खो-खो क्षेत्रात एक तेजस्वी नाव असलेले सुयश विश्वास गरगटे हे उत्कृष्ट खेळाडू म्हणून ख्यातीस पात्र झाले आहेत. त्याची खेळातली सुरुवात, मेहनत, यशस्वी प्रवास आणि सध्याचे स्थान हे प्रत्येक नवोदित खेळाडूसाठी प्रेरणादायी ठरते.
लंगडीपासून खो-खोपर्यंतचा प्रवास
सुयश याने २००७ साली नवमहाराष्ट्र संघ, पुणे संघाकडून खो-खो खेळायला सुरुवात केली. सुरुवातीला शाळेत असताना लंगडी खेळ खेळून त्यांनी क्रीडा जीवनाला सुरुवात केली. त्यानंतर खो-खोमध्ये रस निर्माण झाला आणि त्यांनी याच खेळाला आपले जीवन समर्पित करण्याचा निर्धार केला.
राष्ट्रीय आणि आंतरराष्ट्रीय यश
सुयश यांचे क्रीडा जीवन अनेक सुवर्ण क्षणांनी भरलेले आहे.
- २०१३ : राजस्थान येथे झालेल्या १८ वर्षाखालील राष्ट्रीय स्पर्धेत त्यांनी सुवर्णपदक मिळवले.
- २०१६ : नागपूर येथे झालेल्या वरिष्ठ राष्ट्रीय क्रीडा स्पर्धेत त्यांनी दुसरा क्रमांक पटकावला.
- २०२२-२३ : महाराष्ट्र शासनाचा सर्वोच्च क्रीडा पुरस्कार शिवछत्रपती पुरस्काराने सन्मानित.
- चौथी एशियन चॅम्पियनशिप, गुवाहाटी: सुवर्णपदक विजेते.
- ३६वे नॅशनल गेम्स, अहमदाबाद आणि ३७वे नॅशनल गेम्स, गोवा: दोन्ही राष्ट्रीय स्पर्धांमध्ये सुवर्णपदक मिळवले.
- ऑल इंडिया युनिव्हर्सिटी स्पर्धा: सात स्पर्धांमध्ये अनेक पदके प्राप्त.
- राष्ट्रीय क्रीडा स्पर्धा (५८वी) : दिल्ली येथे झालेल्या स्पर्धेत त्यांनी एकलव्य पारितोषिक मिळवले.
- राज्य अजिंक्यपद स्पर्धा: सर्वोत्कृष्ट खेळाडू म्हणून राजे संभाजी पुरस्काराने सन्मानित.
शैक्षणिक आणि व्यावसायिक यश
सुयश यांनी केवळ खेळातच नाही तर शिक्षण क्षेत्रातही आपले कर्तृत्व सिद्ध केले आहे.
- त्यांनी बीएससी कॉम्प्युटर सायन्स आणि एम.ए. इकॉनॉमिक्स मध्ये शिक्षण पूर्ण केले आहे.
- सध्या ते मुंबई चर्चगेट येथील आयकर विभागात कार्यरत आहेत.
- महाराष्ट्र शासनाने त्यांना स्पोर्ट्स एक्झिक्युटिव्ह ऑफिसर (क्लास टू) पदाने सन्मानित केले आहे.
खेळाडूंपासून प्रेरणा
सुयश गरगटे यांची मेहनत, चिकाटी आणि सातत्य हे तरुण खेळाडूंना प्रेरणा देणारे आहेत. त्यांच्या यशस्वी कारकिर्दीत त्यांनी मिळवलेले पदके आणि पुरस्कार हे फक्त त्यांचे वैयक्तिक यश नसून महाराष्ट्राच्या क्रीडा क्षेत्राचा गौरव आहेत.
भविष्यासाठी ध्येय
सुयश गरगटे याचे ध्येय आहे की खो-खो हा खेळ जागतिक पातळीवर मान्यता मिळवावा आणि जास्तीत जास्त तरुण खेळाडूंना प्रेरणा मिळावी. त्यांचा प्रवास हा एका साध्या खेळाडूपासून राष्ट्रीय क्रीडा नायका पर्यंतचा आहे, जो भारतासाठी अभिमानास्पद आहे.
