इंडिया तायक्वांदो, तायक्वांदो असोसिएशन ऑफ महाराष्ट्रातर्फे आयोजन
छत्रपती संभाजीनगर : इंडिया तायक्वांदो आणि तायक्वांदो असोसिएशन ऑफ महाराष्ट्र यांच्या संयुक्त विद्यमाने आयोजित राष्ट्रीय रेफ्री सेमिनार आणि ब्लॅक बेल्ट परीक्षा छत्रपती संभाजीनगर येथे यशस्वीरित्या घेण्यात आली.
मनपा प्रियदर्शनी स्कूल या ठिकाणी राष्ट्रीय रेफ्री सेमिनार व ब्लॅक बेल्ट परीक्षेचे आयोजन करण्यात आले होते. या उपक्रमाचे आयोजन छत्रपती संभाजीनगर जिल्हा तायक्वांदो संघटनेने केले होते. आंतरराष्ट्रीय रेफ्री तुषार सिनलकर यांनी राष्ट्रीय रेफ्री सेमिनारमध्ये मार्गदर्शन केले. देशभरातून सहभागी झालेल्या प्रशिक्षक व खेळाडूंना रेफ्रीचे अद्ययावत प्रशिक्षण देण्यात आले.
तसेच ब्लॅक बेल्ट परीक्षा घेण्यात आली. यात ४१ खेळाडूंनी सहभाग घेतला. या परीक्षेत तायक्वांदोच्या तांत्रिक कौशल्यांचा आढावा घेत प्रमाणपत्र प्रदान करण्यात आले.
दोन्ही उपक्रमांच्या यशस्वीतेसाठी संयुक्त सचिव संकेत व्यवहारे यांनी विशेष पुढाकार घेतला होता. तसेच विजय सिंगारे, रुपेश शिंदे, संतोष बस्नेत, सुरेश जाधव, अजिंक्य देवरे, प्रबिंद बिश्वकर्मा आणि अरुण गाडेकर यांनी मोलाचे योगदान दिले. या उपक्रमाचे आयोजन तायक्वांदो असोसिएशन ऑफ महाराष्ट्राचे अध्यक्ष संदीप ओंबासे, सरचिटणीस गफार पठाण, कोषाध्यक्ष डॉ प्रसाद कुलकर्णी, जिल्हा तायक्वांदो संघटनेच्या अध्यक्ष प्रतिभा सानप, सदस्य राजेश सातोनकर यांच्या मार्गदर्शनाखाली करण्यात आले.
