एमसीए सीनियर क्रिकेट स्पर्धा : जालना-सातारा सामना अनिर्णित
छत्रपती संभाजीनगर : महाराष्ट्र क्रिकेट संघटनेतर्फे आयोजित एमसीए सीनियर निमंत्रित क्रिकेट स्पर्धेत सचिन सापा (१४८), व्यंकटेश काणे (८१ धावा, ५-७६) यांनी शानदार कामगिरी नोंदवली. जालना आणि सातारा सामना अनिर्णित राहिला.
रामपूर येथील पाटील क्रिकेट स्टेडियमवर हा सामना झाला. या सामन्यात सातारा संघाने प्रथम फलंदाजी करत पहिल्या डावात ४७.४ षटकात सर्वबाद १९० धावा काढल्या. त्यानंतर जालना संघाने फलंदाजी करत ७७ षटकात सात बाद ३५२ धावसंख्या उभारुन डाव घोषित केला. सातारा संघाने दुसऱ्या डावात ५१ षटकात आठ बाद १८७ धावा काढल्या. जालना संघाने निर्णायक विजय मिळवण्यासाठी कसून प्रयत्न केला. परंतु, सामना अनिर्णित राहिला.
या सामन्यात जालन्याच्या सचिन सापा याने धमाकेदार १४८ धावांची खेळी करत सामना गाजवला. सचिनने २१९ चेंडूंचा सामना करताना एक षटकार व २४ चौकार मारले. व्यंकटेश काणे याने १०० चेंडूत ८१ धावांची दमदार खेळी केली. ही खेळी करताना व्यंकटेश काणे याने १२ चौकार व दोन षटकार ठोकले. अभिमन्यू जाधव याने ४३ धावा फटकावल्या. त्यात त्याने दोन षटकार व सहा चौकार मारले.
गोलंदाजीत व्यंकटेश काणे याने प्रभावी कामगिरी करत आपले अष्टपैलूत्व सिद्ध केले. व्यंकटेश काणे याने ७६ पाच विकेट घेतल्या. अफताफ शेख याने सामन्यात सात गडी बाद केले. व्यंकटेश काणे याने दुसऱ्या डावात तीन विकेट घेतल्या. त्याने या सामन्यात एकूण आठ गडी टिपले.
संक्षिप्त धावफलक : सातारा : पहिला डाव : ४७.४ षटकात सर्वबाद १९० (शिवराज माने ३६, जयेश पोळ २९, रोहन थोरात ३१, आकाश पांडेकर २४, अजय गोडसे ३०, व्यंकटेश काणे ५-७६, अफताफ शेख ४-५७, लक्ष बाबर १-२४).
जालना : पहिला डाव : ७७ षटकात सात बाद ३५२ डाव घोषित (प्रज्ज्वल राय ३८, सचिन सापा १४८, समर्थ गायकवाड ११, आर्यन गोजे १४, व्यंकटेश काणे ८१, लक्ष बाबर १६, अफताफ शेख नाबाद १६, आर्य शाह ३-१००, कपिल जांगिड ३-३५, अभिमन्यू जाधव १-५३).
सातारा : दुसरा डाव : ५१ षटकात आठ बाद १८७ (जयेश पोळ १२, अभिमन्यू जाधव ४३, रोहन थोरात २१, कपिल जांगिड २४, आर्य शाह नाबाद २८, प्रणव सोनावले नाबाद ८, अजय गोडसे १२, व्यंकटेश काणे ३-५३, अफताफ शेख ३-३३, रामेश्वर दौड २-२५). सामनावीर : व्यंकटेश काणे.
