लाईफलाइन-मासिआ औद्योगिक क्रिकेट ः सामनावीर मधुर पटेल स्पर्धेतील पहिला शतकवीर
छत्रपती संभाजीनगर ः लाईफलाइन-मासिआ औद्योगिक टी २० क्रिकेट स्पर्धेत मसिआ अ संघाने मेटलमन संघावर ६९ धावांनी विजय नोंदवला. या सामन्यात मधुर पटेल याने सामनावीर किताब पटकावला.
गरवारे क्रिकेट स्टेडियमवर ही स्पर्धा होत आहे. मासिआ अ संघाने नाणेफेक जिंकून प्रथम फलंदाजी करत २० षटकात दोन बाद २११ असा धावांचा डोंगर उभारुन सामन्यावर वर्चस्व गाजवले. या धावसंख्येचा पाठलाग करताना मेटलमन संघ २० षटकात चार बाद १४२ धावा काढू शकला. मासिआ अ संघाने ६९ धावांनी सामना जिंकत आगेकूच केली.
या सामन्यात कर्णधार मधुर पटेल याने अवघ्या ६३ चेंडूत १३३ धावांची वादळी शतक खेळी साकारली. या स्पर्धेतील पहिला शतकवीर होण्याचा बहुमान मिळवताना मधुर पटेल याने १० चौकार व तब्बल ११ षटकार ठोकले. मुकीम शेख याने ५४ चेंडूत ६७ धावांची आक्रमक खेळी केली. त्याने आठ चौकार मारले. ऋषिकेश नायर याने ४६ चेंडूत ६३ धावा काढल्या. त्याने दोन षटकार व सहा चौकार मारले. गोलंदाजीत रोहन राठोड (१-१८), मंगेश निटूरकर (१-१२), धर्मेंद्र वासानी (१-२७) यांनी प्रत्येकी एक गडी बाद केला.
संक्षिप्त धावफलक ः मासिआ अ संघ ः २० षटकात दोन बाद २११ (मधुर पटेल १३३, मुकीम शेख नाबाद ६७, शुभम मोहिते नाबाद २, अनिकेत काळे १-३१, ऋषिकेश नायर १-३३) विजयी विरुद्ध मेटलमन संघ ः २० षटकात चार बाद १४२ (अनिकेत काळे २६, अनिल यादव २१, ऋषिकेश नायर नाबाद ६३, जगदीश जाधव ७, ध्रुव नाबाद १६, रोहन राठोड १-१८, रोहन शाह १-२२, धर्मेंद्र वासानी १-२७, मंगेश निटूरकर १-१२). सामनावीर ः मधुर पटेल.
