लिजंड्स प्रीमियर लीग क्रिकेट ः विजय अडलाकोंडा सामनावीर
छत्रपती संभाजीनगर ः लिजंड्स प्रीमियर लीग टी २० क्रिकेट स्पर्धेत रविवारी झालेल्या दुसऱया सामन्यात मीनाक्षी इंडस्ट्रीज संघाने चुरशीच्या लढतीत न्यू एरा संघावर आठ धावांनी विजय नोंदवला. या सामन्यात विजय अडलाकोंडा याने सामनावीर पुरस्कार संपादन केला.
एमआयटी क्रिकेट स्टेडियमवर ही स्पर्धा होत आहे. मीनाक्षी इंडस्ट्रीज संघाने नाणेफेक जिंकून प्रथम फलंदाजी स्वीकारत २० षटकात सात बाद १६१ धावसंख्या उभारली. या धावसंख्येचा पाठलाग करतान न्यू एरा संघ १९.५ षटकात सर्वबाद १५३ धावा काढू शकला. शेवटच्या षटकापर्यंत रंगलेला हा सामना मीनाक्षी इंडस्ट्रीज संघाने ८ धावांनी जिंकला.
या सामन्यात रिझवान अहमद याने ३८ चेंडूत ५८ धावांची आक्रमक अर्धशतकी खेळी केली. त्याने चार उत्तुंग षटकार व तीन चौकार मारले. विजय अडलाकोंडा याने ३७ चेंडूत ४१ धावा फटकावल्या. त्याने तीन चौकार मारले. प्रदीप जगदाळे याने २१ चेंडूत ३० धावांची वेगवान खेळी साकारली. त्याने दोन षटकार व दोन चौकार मारले. गोलंदाजीत प्रदीप जगदाळे (२-२५), डॉ सुनील काळे (२-१३), ओंकार सुर्वे (२-३२) यांनी प्रत्येकी दोन विकेट घेत प्रभावी कामगिरी बजावली.
संक्षिप्त धावफलक ः मीनाक्षी इंडस्ट्रीज ः २० षटकात सात बाद १६१ (डॉ सुनील काळे २९, संदीप फोके १९, विजय अडलाकोंडा ४१, रमेश साळुंके १५, डॉ संतोष बनकर नाबाद २२, नितीन चव्हाण २१, इतर ११, प्रदीप जगदाळे २-२५, ओंकार सुर्वे २-३२, उत्सव बाहेती १-३०, मोहम्मद इम्रान १-४१) विजयी विरुद्ध न्यू एरा ः १९.५ षटकात सर्वबाद १५३ (प्रदीप जगदाळे ३०, सारंग सराफ ९, सुदर्शन एखंडे १०, रिझवान अहमद ५८, ओंकार सुर्वे १३, संदीप जाधव ६, पांडुरंग रोडगे नाबाद ४, इतर १५, डॉ सुनील काळे २-१३, राजू परचाके १-२५, रणजित १-२७, नितीन चव्हाण १-३०, रमेश साळुंके १-२०, आशिष भारुका १-९, डॉ संतोष बनकर १-१३). सामनावीर ः विजय अडलाकोंडा.
