छत्रपती संभाजीनगर : राज्यस्तरीय महाराष्ट्र कप किक बॉक्सिंग स्पर्धेत छत्रपती संभाजीनगर संघाने ३० पदके जिंकून स्पर्धा गाजवली. छत्रपती संभाजीनगर संघाने १५ सुवर्ण, ९ रौप्य आणि ६ रौप्यपदकांची कमाई केली.
अहिल्यानगर किकबॉक्सिंग असोसिएशन आयोजित आणि किक बॉक्सिंग असोसिएशन महाराष्ट्र यांच्या तांत्रिक मार्गदर्शनाखाली अहिल्या नगर येथील क्रीडा संकुल वाडिया पार्क येथे राज्यस्तरीय ‘महाराष्ट्र कप’ किक बॉक्सिंग स्पर्धेत छत्रपती संभाजीनगर संघाने १५ सुवर्ण पदक, ९ रौप्य पदक व ५ कांस्यपदके पटकावत घवघवीत यश संपादन केले.
या स्पर्धेत महाराष्ट्रातील २२ जिल्ह्यातील ६५० खेळाडूंनी सहभाग नोंदविला होता.
जिगिशा इंटरनॅशनल स्कूलच्या कृष्णा जंगले याने पॉइंट फाईट प्रकारात सुवर्णपदक, लाईट कॉन्टॅक्ट प्रकारात सुवर्णपदक आणि क्रिएटिव्ह फॉर्म प्रकारात सुवर्णपदक अशी तीन पदके जिंकून शानदार कामगिरी बजावली.
पोतदार इंग्लिश स्कूलच्या वेदांत टाले या पॉईंट फाईट प्रकारात सुवर्णपदक, लाईट कॉन्टॅक्ट प्रकारात सुवर्णपदक जिंकले. मुकुल मंदिर स्कूलच्या पायल शिंदे हिने क्रिएटिव फॉर्म प्रकारात सुवर्णपदक, पॉईंट फाईट प्रकारात कांस्य पदक, लाईट कॉन्टॅक्ट प्रकारात कांस्य पदक अशी तीन पदकांची कमाई केली.
राधाकृष्ण विद्यालयाच्या प्रांजली ढाकणे हिने लाईट कॉन्टॅक्ट प्रकारात सुवर्णपदक, क्रिएटिव्ह फॉर्म प्रकारात रौप्य पदक जिंकले. एमआयटी स्कूलच्या राजरत्न बनकर याने लाईट कॉन्टॅक्ट प्रकारात सुवर्णपदक, क्रिएटिव्ह फॉर्म प्रकारात सुवर्णपदक अशी दोन पदके जिंकली. तनवाणी स्कूलच्या आदित्य राज यादव याने पॉईंट फाईट प्रकारात सुवर्णपदक, लाईट कॉन्टॅक्ट प्रकारात सुवर्णपदक पटकावले.
ऑर्चिड टेक्नो स्कूलच्या स्वराज टाकले याने पॉईंट फाईट प्रकारात रौप्यपदक जिंकले. ऑर्चिड टेक्नो स्कूलच्या गौरव रासकर याने पॉईंट फाईट प्रकारात रौप्यपदक पटकावले. तनवाणी इंग्लिश स्कूलच्या विराज कदम याने पॉईंट फाईट प्रकारात रौप्य पदक, लाईट कॉन्टॅक्ट प्रकारात रौप्यपदक अशी दोन पदके जिंकली.
केंद्रीय विद्यालयाच्या श्रेष्ठ खोराटे याने म्युझिकल फॉर्म प्रकारात रौप्य पदक पटकावले. इंडियन आर्मीच्या अभिजित कौशल्य याने लाईट कॉन्टॅक्ट प्रकारात सुवर्णपदक, पॉईंट फाईट प्रकारात कांस्य पदक पटकावले. इंडियन आर्मीच्या धीरज डागर याने लाइट कॅान्टॅक्ट प्रकारात सुवर्णपदक, पॉईंट फाईट प्रकारात कांस्य पदक पटकावले. इंडियन आर्मीच्या दुर्योधन येलो याने लाईट कॉन्टॅक्ट प्रकारात सुवर्ण पदक व पॉईंट फाईट प्रकारात रौप्यपदक जिंकले. इंडियन आर्मीच्या छोटू राम याने लाईट कॉन्टॅक्ट प्रकारात रौप्य पदक, पॉईंट फाईट प्रकारात कांस्य पदक संपादन केले. जिगिशा इंटरनॅशनल स्कूलच्या प्रथमेश मंडाले याने पॉईंट फाईट प्रकारात सुवर्णपदक पटकावले. जिगिशा इंटरनॅशनल स्कूलच्या कल्याणी मधे याने पॉईंट फाईट प्रकारात रौप्य पदक व लाईट कॉन्टॅक्ट प्रकारात रौप्य पदक पटकावले.
या खेळाडूंना सागर रासकर, प्रफुल दांडगे यांचे मार्गदर्शन लाभले आहे. या खेळाडूंचे इंडियन आर्मीचे कर्नल संदीप थापलीयाल, लेफ्टनंट कर्नल सुजित सिंग, मेजर निशांत जोशी, गरवारे कम्युनिटी सेंटरचे संचालक सुनील सुतावणे, छत्रपती संभाजीनगर जिल्हा व शहर किक बॉक्सिंग संघटनेचे कार्याध्यक्ष सुरेश मिरकर, सचिव अनिल मिरकर यांनी सर्व पदक विजेत्यांचे अभिनंदन केले.
