विकेटकीपिंग करण्यासंदर्भात अद्यापही प्रश्नचिन्ह
नवी दिल्ली ः बोटाच्या शस्त्रक्रियेनंतर राजस्थान रॉयल्सचा कर्णधार संजू सॅमसन फ्रँचायझीमध्ये सामील झाला आहे. सॅमसन बेंगळुरूमधील सेंटर ऑफ एक्सलन्समध्ये पुनर्वसन करत होता. आयपीएल २०२५ दरम्यान सॅमसन विकेटकीपिंगची जबाबदारी स्वीकारेल की नाही हे अद्याप स्पष्ट झालेले नाही. जर सॅमसन यासाठी तंदुरुस्त नसेल, तर राजस्थानकडे यष्टीरक्षक म्हणून ध्रुव जुरेलच्या रूपात पर्याय आहे.
फेब्रुवारीमध्ये इंग्लंडविरुद्धच्या पाचव्या टी २० सामन्यात सॅमसनच्या जागी ज्युरेल याने विकेटकीपिंगची जबाबदारी स्वीकारली होती. या सामन्यात फलंदाजी करताना जोफ्रा आर्चरच्या चेंडूवर सॅमसनच्या बोटाला दुखापत झाली. त्याच वेळी, खांद्याच्या दुखापतीतून बरा झालेला रियान पराग राजस्थान रॉयल्सकडून खेळण्यास सज्ज आहे. दुखापतीमुळे रायन दक्षिण आफ्रिका आणि इंग्लंडविरुद्धच्या टी २० मालिकेत खेळू शकला नाही.
पहिला सामना हैदराबाद विरुद्ध असेल
रणजी ट्रॉफीच्या दुसऱ्या टप्प्यातून रियान मैदानात परतला. त्याने सौराष्ट्रविरुद्धच्या पहिल्या डावात अर्धशतक झळकावले आणि २६ षटकेही टाकली. राजस्थान रॉयल्स संघ आयपीएल २०२५ मध्ये २३ मार्च रोजी सनरायझर्स हैदराबाद विरुद्धच्या सामन्याने आपल्या मोहिमेची सुरुवात करेल. यानंतर, त्यांचा पुढील सामना २६ मार्च रोजी गतविजेत्या कोलकाता नाईट रायडर्स (केकेआर) आणि ३० मार्च रोजी चेन्नई सुपर किंग्ज विरुद्ध होईल.
राजस्थान रॉयल्स संघ
संजू सॅमसन (कर्णधार), शुभमन दुबे, शिमरॉन हेटमायर, यशस्वी जयस्वाल, ध्रुव जुरेल, रियान पराग, नितीश राणा, कुणाल सिंग राठोड, वैभव सूर्यवंशी, वानिंदू हसरंगा, जोफ्रा आर्चर, अशोक शर्मा, तुषार देशपांडे, फजलहक फारुकी, कुमार कार्तिकेय, आकाश माधवाल, क्वेना मफाका, संदीप शर्मा, महेश टिक्षणा, युद्धवीर सिंग.
